疫潮來襲，浪花淘盡幾多英雄，食肆一別，隨水東去。舊舖執笠，新舖剪綵，終結開始，緣起緣滅。人生如棋盤，落子無悔；生意像雀局，舉手不回。運勢壞，手氣差，就得打「守勢牌」，不上不碰，即使扣牌棄糊，為免出銃跌錢。但場租早早已付，食飯灌水都是成本，時間愈長，成本愈高。加上新局一開，風險又來，起手開牌，贏輸難料。至於幾時起身走人，先依個人想法，上訴止蝕，坐低起身，已經表態。再看約定規矩，即時拉閘、約滿離場，都是做法。當然，「埋數無錢俾，走佬衰到痺」，是未必有徵兆的後話。
青山依舊在，有危就有機，有人堅守，有人入手。只要經營有道，或者根底夠厚，輸十鋪八鋪，一樣可以氣定神閒。二五八索，三六九萬，無連無對，「唔緊要」，「愈爛嘅牌就愈要俾心機打」，勵志的金句有道理，如果你還在牌局之中，如果你還輸得起。舖位丟吉，虛位以待，何不叫親朋戚友來「戥腳」入局，隨時新手當旺，疫市贏錢。或者運勢一轉，衰氣驅散幾分，東南西北，成雙成對。「落場無父子」，但如果利益流向同一終點，自然另作別論，上家奶奶鬆章，下家女友叫糊，合作無間，萬事好辦。
「打雀」比喻，實際源於生活。大型連鎖食肆，不論商場街舖，靜靜走「包攬路線」，吉位人棄我取。起新名，開新店，吸新客，左店右舖，菜式風格殊途，利益同歸一路。記得有日到大型商場，行入新開的日式漢堡店，周遭的食客仍然不多。餐到即食，炸雞漢堡質素相當好，炸雞外脆，肉汁豐富，配菜乾淨企理。果茶味道出乎意料，混調得當，完勝坊間出名的手搖飲品店。飲食質素難得出色，好奇上網一查，原來屬於老牌快餐連鎖店旗下，新Logo、新設計、新菜式悄悄上場，換骨脫胎，不細查不會知背景關係。之後，自己好幾次趕時間，走到同公司的快餐店，急急吃飯，發覺飲食水準都有所提升。組合細想，不難理解，簡單講就是連鎖店正在擴充、翻新、改善，搶先佔市場，疫中尋出路，開拓新局面。
有些食肆在堅守中完善自己，「雪園壹號」就是好例子。食肆原叫「老雪園」，可能想要去陳舊、老派，改用較「潮」的店名，年輕朋友或者更能受落。「老雪園」停業一段時間，曾經致電詢問，只說之後會再開，心中涼了一截。後來易名重開，背後老闆有無更變易手，我沒有深究，表面看到的是部分裝潢的更新變化。停業後，食店改善了一些菜式，酸菜魚的酸菜不再鹹，高力豆沙油炸得宜，咬下去不油膩。豆沙煎餅吃得出用心煎煮，沒有麵皮不熟的情況。懂檢討、肯改進的食肆少之又少，愈做愈差的餐廳反而大有人在。其實只要用心「執好副牌」，老友自然返來，新客又變老友。
