「紋身好似係我一本好個人嘅筆記」
第一次偶然看見Tomy 的左臂上纹身，看似細碎的缐條再加上他略帶Baby face外表，最初還以爲是中學生用原子筆在手臂上的隨筆的玩意。但原來這些看似隨意句子，是Tomy親手為自己紋上的印記。
從事時裝設計，現年二十三歲的Tomy，自小就喜歡畫畫，中學時期，偶爾也喜歡在自己手臂上畫公仔扮纹身。當年，他尤其喜歡八十年代「關刀眉」式風格的「龍虎門」人物。中學時期的Tomy除了畫畫，「想東想西」也是他經常會做的事。「我自細就好鍾意諗嘢，尤其死亡。細個嗰時，有次問公公人死咗會去邊？仲好記得佢咁答『咪好似灰飛煙滅咁囉。』有時會諗呢啲問題諗到好驚，甚至瞓唔着，好怕死咗之後乜都無。後來年紀漸大，又睇多咗啲相關書，開始轉為諗『人』存在冇乜意義。」
大約兩年前，剛離開校園投身時裝設計的Tomy，曾有段時間感到情緒低落。直至一天，Tomy決定好好為自己當刻的心情留下一個永久記錄，於是就開始作準備。
他在網上找資料及選購器材，再加反覆模擬練習，兩個多星期後，終於在左臂上紋上「Want smile?」的印記。「紋完之後心情的確有啲釋懷咗。我無出去搵人幫我紋，主要因為我未撞啱一個完全合我心意嘅紋身師，而且覺得當時紋嘅係好私人嘅情緒，而自己又識畫畫，所以咪自己紋囉。對我嚟講冇乜特別。」
自此，Tomy每當想到一些覺得對自己創作有幫助的點子，他就會將意念化成文字或簡單的圖案紋在臂上。例如因為Tomy本身很喜歡日本時裝設計師山本耀司，但又怕會模仿他的設計，於是就紋了「not Yōji Yamamoto 」以提醒自己保留自我。又例喜歡電影「Interstellar」港譯「星際啟示錄」當中講述黑洞、時間兩者影響關係的描述。所以就紋了「singularity」（奇點）
『時間』與『存在』兩者概念，我知我現階段仍係摸索當中。就算宜家叫我解釋就已經『一口泡』。但我希望將來將兩者融入我創作當中，成為我作品好core嘅元素。」
看著Tomy 右臂零落的纹身，當中包含著他瞬間的念頭，而這些一個又一個的點子，將會有助他，在未來日子，拼合出他所追尋的圖案。
「紋身好似係我一本好個人嘅筆記，紋咗之後可以隨時隨地帶喺身，隨時可以睇番，又唔會唔見。」
