阿敏姐姐生了第一胎，搬到娘家坐月子，由敏媽照顧，此時適逢阿敏失戀，為了療情傷，遂一個人帶着其金吉拉貓（仔仔）搬到姐姐屯門家居住。
貓咪初時不適應新環境，整天躲到沙發下的牆角去；而頭一趟在外獨居的阿敏由於自幼怕鬼，故每晚找來不同的女性好友陪睡。人貓共同度過了最難熬的頭一個月，漸漸適應下來。
一天早上阿敏心血來潮，將仔仔放在家中不同位置影相，但仔仔不從，她對仔仔說：「唔好咁曳啦，乖乖哋影張相好嗎？」仔仔勉強影了幾張相便跳開了。然後阿敏也上班去。
這晚阿敏又帶了好友回家，但奇怪不見了平日來應門的仔仔。頓時心下一沉，找遍家中大小角落和衣櫃，確定仔仔不在屋內。
朋友Miu Miu說：「你過嚟睇吓！呢個百頁簾摺曲了，個窗都開住啊！會否喺度跳咗出去？」
阿敏立即取過鎖匙，拉着Miu Miu邊走邊說：「似係呀，因為我本來係開咗條罅俾佢唞氣咋，快啲落去，睇吓佢會唔會跌傷咗，可能仲喺下面。」
結果一無所獲。
不知凌晨幾點了，身心俱疲的阿敏正在擔心不已，冷不防老友Miu Miu突然拋下一句：「唉！你男友唔要你啫，估唔到連隻貓都唔要你！」
在這個痛徹心扉的當兒，朋友竟然在傷口上灑鹽，阿敏對自己說：我不會再視她為我的好友！
向公司請了一星期假後，阿敏將昨天拍下仔仔的近照連重酬聲明印成大大小小的單張，在屋苑各座張貼及洗樓派傳單，過程中有軍裝警員見狀，還主動幫忙，到上下樓層的單位入內查看，後來他知道阿敏是傳媒工作者，即消失得無影無蹤。
偶爾阿敏會收到一些不知是真是假的來電，但當阿敏趕到現場時卻什麼也沒發現，相信惡作劇成分居多。
非常無助的阿敏在夜欄人靜時聽到收音機傳來白姐姐和謝偉俊的廣播節目，決定打去當免費宣傳，電話一接即通，接線員記下阿敏的電話號碼後說：「你唔好收線喎，仲有兩個就輪到你。」
白姐姐在電話另一端打起招呼來：「喂，你好，你叫咩名呀？」
「我叫阿敏，我打嚟係想講吓香港有好多心理不平衡嘅人。」為了配合phone in節目，阿敏想好了主題。
「點解咁講？」白姐姐詢問。
「因為我唔見咗隻貓，出咗尋貓啟事，接到嘅電話都是惡作劇。」食鹽多過阿敏食米的白姐姐立即知道阿敏來意，火速打發她離開，說：「阿敏呀，如果你將搵貓嘅毅力放喺工作上，相信將來一定會好成功。」
而仔仔的下落就跟這通電話一樣，無疾而終。
