「滿身紋身嘅Band佬」，大概是我對「大D」的第一個印象。
「我平時返公司、見客都係着晒恤衫西褲，係放假先可以着成咁咋。」，大D現時長駐內地，奔波多個省份之間，負責打理家族生意。由於他大多時間與在港的母親兩地分隔，所以特別珍惜母子相聚的時間。「我真係好惜我媽咪，平日我喺大陸，我哋都會用視像傾偈，有時媽咪又會飛上嚟探吓我。」
不過大D有段時期，也對家人有着強烈不滿情緒。「我十二歲時父親因病離世後，母親就接手內地的家族生意，無暇兼顧屋企，我和細佬的日常起居也是由原本在印尼生活的婆婆、公公專誠來港照顧。十四歲那年，便被送去美國留學。當時，我對家人及身處的環境有好多不滿嘅情緒，成日同人打架。不過亦喺呢段時間，開始接觸Heavy Metal(重金屬音樂)，透過音樂，搵到一個發洩不滿嘅渠道，同時亦間接認識紋身。」
留學美國十三年，大D早早放下不滿情緒，相反對家人，尤其母親的思念日益增加。二十七歲大學畢業後，準備離開美國的那年，大D就決定把父母的名字紋在自己右臂上。作為對雙親思念的記號，這亦是大D人生中第一個紋身。
離開美國後，大D去了日本修讀音樂，希望自己能在音樂方面發展。「離開美國選擇日本，係希望可以同家人在地域上親近啲，就算互相往來探望也方便好多嘛。」
大D除了手臂外，左腳亦紋上幾個對自己有所啟發的已故heavy metal樂手畫像。右腳則紋上日本江戶時代的名將前田慶次，「我好喜歡佢嗰種不受約束，自由自在的生活態度。」
大D在日本生活四年間，組成自己的樂隊，正打算留日發展音樂專業之際，大D家人提出希望他能往內地接手打理家族生意。由於不忍日漸年老的母親繼續為生意奔波勞碌，大D決定放下個人興趣及理想，接手生意。一眨眼，就打理了生意十多年。
數年前，婆婆去世，大D又將她畫像紋在右手前臂。「父親過身後，我仲記得婆婆同公公特登離開佢哋原本嘅生活圈子，由印尼飛嚟香港照顧我哋兩兄弟。當時我鍾意喺食飯嘅時候用好細力、好細力咁幫婆婆按摩，婆婆就咪咪嘴笑作回應。」
現年四十六歲的大D，正打算結束在內地的家族生意，與母親及女友，移居台灣，希望未來以自己嚮往的方式生活。
「紋身對我嚟講係一個記憶嘅方式。未來相信亦會繼續增加，我已經打算留返心口嘅位置，俾我未來嘅仔女㗎啦。」
