瑪嘉烈傳染病中心護士
Q：在傳染中心照顧確診病人的工作和工時？
A：一更 八小時直到下一更同事返工為止；抽鼻液化驗、跟進化驗報告、打針派藥、documentation； 抽血我們則不用
Q： 跟你未有確診個案前的工作有什麼不同？
A：係investigation個啲唔同，不過其實好多都大致相同，因為suspected mers case都係一樣precaution 做的工作，都類似 even suspected ebola (伊波拉)case都有試過
Q；每一天工作的心情是怎樣？
A：都較之前緊張既 始終係unknown disease 就算收suspected case都會擔心 未知有咩藥又未知點醫 會諗如果再爆落去會點 係咪真係要去酒店住廢事自己中左又野屋企人
Q： 你們會否有washout period(清洗期)
A：我地有分dirty team ，每team輪14日
Q： 你們使用什麼裝備？覺得保護足夠嗎？
Q：Surgical mask都係level 1 不過N95 ppe個啲都係level 3既 不過得face shield無眼罩 始終飛沫會入到
Q： 其他防控措施是否足夠安全？
A：其實idc building double door都成日壞，不過相對出面安全
Q： 如果你本來不在傳染病中心工作，你會否自願到那兒工作，為什麼？
A：其實都會 Infectious disease都係Specialty都有興趣發展 當學下野，就算係疫情爆發後都會，始終人就一定驚 當豁出去。
Q： 有沒有想過會受感染？有什麼想法？
A：都有既，都執定左走佬袋，隨時病左admit返傳染病中心，咪同家人交定啲保險費事佢地唔知。都無辦法啦， 每個人係社會上都有自己角色， 我又無諗住離棄自己崗位 ，我地唔同出面ward， 出面實在太危險 ，idc保護措施都暫時夠，如果真係係啲關鍵時刻，會走既 我諗當初都未必揀呢一行做，不過衰仔講句 唔夠裝備真係唔會同你返工。
Q：是否支持罷工，會否罷工？
A：其實無論醫護罷唔罷工都好，希望社會各位都要支持醫護，最近真係頂得好辛苦，醫護 罷工就好似和勇咁，選擇罷既 佢地真係豁出去唔要份工都得，就係對政府既表態 因為重要背負HA秋後算賬既可能性。 其實已經係哀求政府去封關 唔好賭上香港人條命，唔罷既同事 其實係硬食左罷工同事既工作量同危險性， 但係可能仲背負家庭 供緊層樓， 所以我角度係和勇不分。
希望大家尊重決定
新界東醫院聯網 隔離病房護士
Q： 在dirty team的工作和工時 ？
A：工時跟平時差不多 都是每星期不多於44小時。但現在醫院claimed 在高風險工作的同事每兩個星期會有extra off 一天。
Q：跟你平日的工作有什麼不同？
A：比平時更加高風險，平時接觸的高度傳染病都是肺結核、痲疹,水痘、生蛇等，但今次接觸的是更危險的武漢肺炎，因為太多未知的潛在風險，而且沒有有效藥物和治療方法，很多都是試驗階段 。每次接觸和離開病人時都要用更多的時間穿保護裝備 。另外多了很多非本地居民，很多內地人，有的個人衛生非常差 。
Q：每一天工作的心情是怎樣？
A：每天的心情都會不安，因為你不會知道你在照顧的病人會否是確診的患者，就算自己穿上全套保護裝備，其實也不代表你一定不會受到感染 。有時離開了病格,除下保護裝備, 在nursing station 時， 又會擔心病人會否突然發難,衝閘想逃跑，會否走過來撕開你的口罩或是有其他行動攻擊你。
Q： 你們會否有washout period(清洗期)？
A：沒有washout period，高層開會後確認沒有washout period，當你選擇rotate out， 就會緊接去普通內科病房工作，照顧一般病人。但其實這樣安排對其他同事和病人很不公，如果我工作一段時間後才出現病徵，要contact tracing 就牽連甚廣。
Q： 你們使用什麼裝備？覺得保護足夠嗎？
我們用的是Astm level 1 口罩，我覺得不夠安全，因為保護衣其實不是全面，我們的頸是沒有cover， 而且保護衣的長度只去到小腿，我們的鞋亦沒有cover 。醫管局claimed 有足夠3個月既保護裝備存貨，但平時我們用得少。現在每一更用的數量比平時多很多倍, 因為收很多人，turnover rate 很高， 每天看符合呈報的都近100人，還未計那些不符合呈報，但又要進行武漢肺炎測試的人數，多很多倍
Q：其他防控措施是否足夠安全？
A：因為沒有足夠的負壓房，所以除了符合呈報準則的個案可以放獨立負壓房，其他不符合但又要做武漢肺炎 測試的病人就要被逼一共住一間有4張床的負壓房，有的甚至要放在普通病房的open cubicles。但若果其中一個人確診了， 那麼周圍的病人就變成緊密接觸者(這本來就可以避免的) ， 如果在普通病房的病格，連醫護都變得非常高危，因為沒有負壓設施和裝備。
Q： 如果不設抽生死籤，你會否自願到傳染中心工作，為什麼？
A：其實現在沒有一個地方是安全的。隔離病房算是最高危，但裝備和設施比普通病房好。普通病房相對低風危，但如果病人隱瞞自己去過疫區，接觸過確診患者，其實對所有人更加危險，所以到不到傳染中心工作也是差不多的。
Q： 有沒有想過會受感染？有什麼想法？
A：當然有想過 ，因為世事無絕對,就算是100%裝備也不保證不會被感染，就像打了流感針也不代表不會中流感。當然是害怕，害怕染病，更害怕傳染家人朋友 。沒想過護士這份工作是幫人，但原來是那麼危險，從來沒想過自己和死亡那麼接近，亦沒有想過要以自己的健康去換取他人的健康，甚至可能要賠上生命。
Q： 是否支持罷工，會否罷工？
A：支持罷工。政府是唯一可以堵塞源頭的角色，但就從不想過封關，根本沒有為香港的醫護想過，沒有足夠的資源，連政策也後知後覺，最直接有效的封關也不願意，可能要有香港醫護受到感染才意識到問題的嚴重性
屯門醫院 腫瘤科病房護士
Q：.在dirty team的工作和工時(預計跟你平日的工作有什麼不同)？
A：預計工作性質及工時會同平日大同小異，不過要更多時間用於穿著及除下個人防護裝備上。
Q： 每一天工作的心情是怎樣？
A：會有不安，處理懷疑個案前會不斷做n95 fit check，處理後除ppe會好小心，擔心自己做錯一個步驟就會染病。
Q： 你們會否有washout period（清洗期）？
A：一開始派人入dirty team話washout period 要用自己AL，之後HA 話唔洗， 到今日晏晝自己病房交更, 高層話未知。washout period應該有，因為怕傳染。但形式係點到今日都未有人答到我地。我有update 今日講左無washing period 去完即刻返原本ward返工 痴線架
Q： 你們使用什麼裝備？覺得保護足夠嗎？？其他防控措施是否足夠安全？
A：香港既全套防護裝備（full ppe)同外國係有啲距離，可能因資源問題，若有full ppe可能裝備都算可應付。但處於疫情底下普通病房既保護就係不足既，困難在於唔肯定邊個病人係帶菌者，隔離病房反而知道接觸邊個病人需要用咩裝備去保護自己。HA供應既外科口罩係ASTM level1，其實係可以有更好既選擇比醫護，尤其係急症室同普通科病房既同事，我地只會戴口罩唔會全日full ppe周圍走，亦無可能長時間戴n95，所以外科口罩質素好重要。
Q：如果不設抽生死籤，你會否自願到傳染中心工作，為什麼？
A：可能會。若無抽籤總要有人去。做得依行其實真係唔係預左會死/受感染，應該無咩人會預左。但總要有人去既話我會想一齊打場杖，都算係榮幸。
Q：有沒有想過會受感染？有什麼想法？
A：有。驚，因為資訊好不足，唔知個病毒既破壞力有幾強，唔知染病會幾嚴重。
Q： 是否支持罷工，會否罷工
A：支持，會。
瑪嘉烈醫院內科病房護士
Q：Dirty team的工作和工時？
A：一周5天，每天8小時一個shift。
Q：跟你平日的工作有什麼不同？
A：工作其實跟平常沒很大差別，但病人多了，還要接收很多來自內地或新移民的懷疑個案。
Q：每一天工作的心情是怎樣
A：每一日都要很小心翼翼，精神緊張。回家的時候，其實不是最擔心自己健康，而是最怕傳染到家人，所以一定會做好消毒。
Q：你們會否有washout period(清洗期)？
A：似乎沒有。
Q： 你們使用什麼裝備？覺得保護足夠嗎？
A：通常只會戴上N95。這個情況下，人心惶惶，通常都覺得不足夠。酒精搓手液好像也不夠。
Q：其他防控措施是否足夠安全？
A：病房病人過多，而且管理層指引不夠清晰，沒有指定穿戴保護防具的地方。
Q：如果不設抽生死籤，你會否自願到傳染中心工作，為什麼？
A：不會，雖然做得醫護就要有使命感，但這次是政府製造的禍，為何要我們獨力承擔？
Q：有沒有想過會受感染？有什麼想法？
A：好怕傳染家人。
Q：是否支持罷工，會否罷工
A：絕對支持罷工，但未必會參與罷工，放不下，而且其實要全部人團結才能成事。
天水圍醫院 內科病房護士
Q：Dirty team的工作和工時？
A：暫時未需要去
Q：跟平日的工作有什麼不同？
A：其實General ward心情都好沉重，因為隨時收咗隱形病人。
Q： 每一天工作的心情是怎樣？
A：好擔心，一聽到有病人疑似，即刻想喊出嚟，即刻換n95。洗手都洗到爛曬。唔敢返屋企，大家衝咗去沖涼，因為general ward唔鼓勵長時間着ppe。
Q：你們會否有washout period(清洗期)？
A：暫時所知沒有。
Q： 你們使用什麼裝備？覺得保護足夠嗎？
A：不是，只有做高風險工作時才需要full ppe，當然不足夠！如果有case係隱瞞嘅，我地隨時頭髮，衫褲都已經中招，唔通即刻掉棄套uniform？
Q：其他防控措施是否足夠安全？
A：到而家仲未有工作服，啲uniform又唔可以日日換，洗咗之後禮拜六日又冇得攞。
Q：如果不設抽生死籤，你會否自願到傳染中心工作，為什麼？
A：不會。首先，家有bb；第二，不是serve香港人，而且無相關training。
Q：有沒有想過會受感染？有什麼想法？
A：有，盡量保護自己，一有風吹草動，自我隔離。有喊左出黎，因為d大陸人係咁湧落黎，同埋覺得市民唔係真心支持我哋，高層又喺度玩語言藝術，根本冇資源，又話前線同事做得不足。
Q：是否支持罷工，會否罷工？
A：非常支持罷工，但不會，作為senior要番工頂住，同幫手收老細風，protect junior ，我地plan好要齊上齊落，老細都知我地senior有份coordinate，所以要報復都無一倖免。
伊利沙白醫院 深切治療部護士
Q：Dirty team的工作和工時？
A：之前有問過會唔會可以轉每更返12個鐘，之後無左聲氣，都係跟返平時返工時間。
Q：跟平日的工作有什麼不同？
A：Routine上無唔同，但因為isolation的關係，狂gown up、degown，狂rub手洗手，手都爛埋，好多同事隻手都係紅卜卜同損哂。每次入去isolation room前都要唸定要做咩，將啲野group埋一齊做，唔洗入去咁多次。
Q：每一天工作的心情是怎樣？
A：好驚中招，一定會check清楚啲保護裝備係著得啱同好。每次degowning都好小心，做完次次都會review自己有咩地方做得唔好令到自己有機會中招。仲有依家啲人都唔知係咪驚醫院知道自己去過大陸唔肯醫佢，個個都講大話，上到黎先講，isolation都係之後先做返，如果真係wars，都中左喇。
Q：你們會否有washout period(清洗期)？
A：無，我地都好concern。因為啲高層話無生死籤既關係，啲同事係度嘈，所以我地部門話之前張名單唔算數，所有人都要輪住入去做，所以係唔會再分dirty同clean，所有同事都有份，只係先後問題。每2星期轉一次，做完2星期isolation，就會做clean 2星期，中間係唔會有washing period。理由係因為大家suppose welleducated，係識infection control，所以做得好係無contamination問題，仲話大家係professional，知道自己有無中招，再自我隔離。
Q： 你們使用什麼裝備？覺得保護足夠嗎？
A：Level 3裝備有level 3 既gown同N95，會帶埋face shield，黎梗有埋OT water repellent 既帽，依家係帶梗惠康阿姐透氣帽。
Q：其他防控措施是否足夠安全？
A：高層話protection已經足夠，但我唔明點解啲警察都唔係埋身，佢地套裝備仲高級過我地。
Q： 有沒有想過會受感染？有什麼想法？
A：我地班同事要入隔離病房，都有人寫定左遺書、銀行密碼，怕有咩事又返唔到屋企，想為屋企人留點野。始終家下都未算大爆發，我地預計未來如果守唔住大爆發，會嚴重過SARS。
Q：是否支持罷工，會否罷工？
A：(未有回答)
威爾斯親王醫院dirty team護士
Q： Dirty team的工作和工時？
A：同平時一樣，但宜家兩星期內返夠7日工會多一日假，但唔清楚係咪真係會放到。
Q： 跟平日的工作有什麼不同？
A：以前照顧既病人主要係要用呼吸機既病人，宜家變左係照顧啲懷疑個案。
Q： 每一天工作的心情是怎樣？
A：擔心會接觸到啲確診case，驚自己防護措施做得唔足會惹到，又驚自己會帶左啲病毒比屋企人。
Q： 你們會否有washout period(清洗期)？
A：上層話suppose我地着左保護衣就當我地無被感染，所以唔會有washout period。
Q： 你們使用什麼裝備？覺得保護足夠嗎？
A：病房有款口罩只有level 1，但上層話我地進入隔離房係戴n95，所以話口罩level幾對我地照顧病人係無影響。
Q： 其他防控措施是否足夠安全？
A：沒有。
Q： 如果不設抽生死籤，你會否自願到傳染中心工作，為什麼？
A：其實宜家周圍都係suspected case，根本無可能接觸唔到，一般病房既保護衣物既存貨比傳染病房更少更不足，咁樣睇落做傳染病房會更安全。但當確診個案越黎越多既時候，係傳染病房工作就有可能要長期接觸確診case，相對黎講感染既風險會較普通病房高，呢條問題唔識答。
Q： 有沒有想過會受感染？有什麼想法？
A：有，但都控制唔到，唯有自己做足保護措施，有唔舒服就即刻去急症室。
Q：是否支持罷工，會否罷工？
A：支持，會罷。
公立醫院現職隔離病房護士
Q：dirty team的工作和工時？
A：6天輪班工作，每周工作44小時，工作主要照顧suspected case。
Q：跟平日的工作有什麼不同？
A：照顧病人時要著PPE，要更加注意感染控制程序。
Q：每一天工作的心情是怎樣？
A：大部分平常心，專注工作，更加小心感染控制程序，同時擔心疫情會持續到何時及香港的情況。
Q：你們會否有washout period(清洗期)？
A：以我所知應該沒有，因為我們接觸病人都有著PPE。
Q： 你們使用什麼裝備？覺得保護足夠嗎？
A：保護衣是level 3的，保護以現時的情況下是足夠的。
Q：其他防控措施是否足夠安全？
A：以現時的情況下暫時沒有。
Q：如果不設抽生死籤，你會否自願到傳染中心工作，為什麼？
A：我不是抽生死籤的，是因為之前有傳染病房工作的經驗。我會自願，因為自己有相關經驗，對比沒有經驗的同事，工作時會較安全。
Q： 有沒有想過會受感染？有什麼想法？
A：都有想過，因為未知疫情發展的程度。唯有更加注意工作時感染控制安全，收工後都會洗澡清潔。
Q：是否支持罷工，會否罷工？
A：我絕對支持罷工，因為應該由源頭控制外來的感染。但會否罷工我是矛盾的，因為如果我罷工，隔離病房的服務受影響，需要隔離的病人不能隔離，會對社區造到影響。
Q： 你們使用什麼裝備？覺得保護足夠嗎？
A：因為係Dirty team，有n95，但我地都有Level 1 口罩。
Q：其他防控措施是否足夠安全？
A：有，全部懷疑個案放埋一齊，唔知會唔會交叉感染。例如abcd一間房，全部去過唔同大陸地方有發燒，一齊隔離，如果其中一個中（a)其實其他三個(bcd)都有機會中，或者更加有機會。
Q：如果不設抽生死籤，你會否自願到傳染中心工作，為什麼？
A：睇情況，視乎本來自己係邊做！因為有病人會講大話隱瞞旅遊史，仲慘過係隔離病房，係隔離病房起碼有保護裝備。
Q：有沒有想過會受感染？有什麼想法？
A：有… 死之前會去唔同警局走一圈。
Q：是否支持罷工，會否罷工？
A：支持，想，但要睇埋開會 因為duty比較複雜，唔知點樣罷。
屯門醫院 內科病房註冊護士
Q： 在dirty team的工作和工時 (如已開始。否則預計會是怎樣）？
A：暫時主要是接收從隔離病房轉來，已做了標本抽檢的懷疑個案，照顧他們入院其間的日常需要，待化驗結果呈陰性反應之後轉到普通病床。將來有計劃要接收急症室直接進來的懷疑個案，意味住要由我們負責高風險的抽取鼻液樣本的程序。
Q：跟你平日的工作有什麼不同？
A：除了一般日常護理之外，由於每個個案都有相當高的機會被冠狀病毒感染，所以大大少少的護理程序都需要全套個人保護裝備。
Q： 每一天工作的心情是怎樣？
A：每個病人都有機會已被暫時未有醫療方向的病毒感染，自己抱着忐忑的心情，生怕自己病房萬一有一個陽性反應的患者，意味住要自我隔離兩星期。不得歸家。
Q： 你們會否有washout period（清洗期）？
A：沒有WASHOUT PERIOD。
Q： 你們使用什麼裝備？覺得保護足夠嗎？
A：現階段由於大家都都這樣穿着，而且有相當的學術權威建議這樣的裝備能充份保𨺑自己同事，暫時都覺得安全性充足。只是近日有網終傳言說，有兩個醫生穿着全套裝備接觸完確診個案病人之後還是出現了發燒㿂狀，危機意識就開始萌芽。
Q：有沒有其他防控措施的問題
A：沒有ISOLATION MEASURE 嘅PROBLEM
Q： 如果不設抽生死籤，你會否自願到傳染中心工作，為什麼？
A：我想大部份有家庭的人都不想自己走入高風險的工作環境。但總是要有人入去做的。所以我還是會選擇，多一個人肯去選擇做這崗位，就少一個人被逼進來。
Q： 有沒有想過會受感染？有什麼想法？
A：如果自己出現感冒徵狀，我想我還是會到酒店或其他地方自我隔離的。
Q： 是否支持罷工，會否罷工
A：我會明白員工為什麼想罷工。但我自己不會，可能真是道德勒索陰影之下吧。而且香港局勢過往一年告訴我，民意是不會被聽取的。
公立醫院內科護士(現職隔離病房)
Q：Dirty team的工作和工時？
A：第一個星期返5日，每日工時拉長；但之後會返6日。
Q：跟平日的工作有什麼不同？
A：要同病人留specimen，不停檢查結果。因為負壓病房好緊張，要抹房抹床，消毒所有儀器，工作量好大。多咗好多特別措施，最大壓力係著同除保護衣，怕感染到自己。
Q： 每一天工作的心情是怎樣？
A：心情非常矛盾，因為做醫護就一定有心照顧病人，唔只受感染病患者，仲有中風高血壓等長期病患，有其他疾病都係發生緊，需要專業醫護去照顧，所以我都要繼續上班照顧佢。另一方面唔想返工，因為擔心自己喺高危地方惹到病菌，自己唔知道又未發病時，傳染家人朋友。有時覺得自己中都算，做得呢行預咗，但唔想惹俾屋企人。
Q：你們會否有washout period？
A：冇，每兩個星期多一日假期休息。
Q： 你們使用什麼裝備？覺得保護足夠嗎？
A：沒有，口罩仍然係level1，聽普通病房的同事講，連保護衣都唔夠用。
Q：其他防控措施是否足夠安全？
A：有，我唔知只有一道門的負壓房係咪有達到標準對抗呢個病菌？當傳播路徑未確定，其他水痘、結核病等都要有double door隔離病房，點解呢次要困於單門負壓房呢？然後要做高危procedure。呢個有待商榷，我有懷疑。
Q：如果不設抽生死籤，你會否自願到傳染中心工作，為什麼？
A：坦白講，如果政府俾的措施足夠，防止社區爆發的部署設備都做得好，令病毒來源唔再入境，其實我會比較心甘情願，唔會咁委屈。因為不停放人入來，最怕大規模社區爆發，令我哋壓力大增。如果係咁，我不會情願，因為政府冇做好，點解要我哋承擔呢個後果呢？
Q：有沒有想過會受感染？有什麼想法？
A：我唔敢諗呢個問題。
Q：是否支持罷工，會否罷工？
A：我支持返打風更，有限度服務。其實唔只醫護要罷工，其他市民、其他行業都應該要支持。因為成個醫療系統冧咗，受害的是市民，唔只我哋。所以其他人唔可以口講支持，都要行動，出來一齊罷先ok。
臨床腫瘤科病房護士
Q： dirty team的工作和工時？
A：不確定。
Q：跟平日的工作有什麼不同？
A：沒有。
Q：每一天工作的心情是怎樣？
A：擔心自己及身邊同事被突然調走，怕自己感染又怕感染其他人，雖然話現時級別無得探病，但因所屬腫瘤科病情反覆，所以都有少部分恩恤個案，甚至至怕到十分擔心最近來探病既家屬隱瞞外遊史等。
Q：你們會否有washout period？
A：不確定。
Q： 你們使用什麼裝備？覺得保護足夠嗎？
A：只使用level one mask，本來已好擔心，太多隱形患者，PMH case曝光後更擔心，擔心保護不夠，擔心自己會成為病源之一，傳染身邊既人。
Q：其他防控措施是否足夠安全？
A：擔心Faceshield其實是否足夠防禦，有經驗同事指sars時是使用眼罩cup實雙眼，相對防禦比現時好，因沒有隙縫可以彈入飛沬等，沒有消息各聯網醫院的隔離病房設備，如隔離病房已有相關設備，會否安排普通病房暫存少少貨？又或如隔離病房都無的話，會否安排到？
Q：如果不設抽生死籤，你會否自願到傳染中心工作，為什麼？
A：不會，沒有經驗沒有相關訓練，怕自我感染機會大。
Q：有沒有想過會受感染？有什麼想法？
A：有，只希望身邊人都平安，不要被我傳染。
Q：是否支持罷工，會否罷工？
A：是。
急診科病房護士
Q：dirty team的工作和工時？
A：跟平時一樣。
Q：跟平日的工作有什麼不同？
A：跟平時一樣。
Q：每一天工作的心情是怎樣？
A：沈重，惶恐。
Q：你們會否有washout period？
A：暫時未聽過有。
Q： 你們使用什麼裝備？覺得保護足夠嗎？
A：不足夠。Surgical口罩只有level 1，不符合WHO標準，要更高只能戴上N95。
Q：其他防控措施是否足夠安全？
A：沒有工作服提供，只有制服。
Q：如果不設抽生死籤，你會否自願到傳染中心工作，為什麼？
A：不會，政府不封關，醫院保障不足。
Q：有沒有想過會受感染？有什麼想法？
A：有想過，因為一定有隱形病人。
Q：是否支持罷工，會否罷工？
A：會支持。
