無論是醫學模式還是社會模式，兩種看待「殘疾」的框架仍然將健全人士與殘疾人士分隔開來。
然而，兩者界線真的如此分明嗎？Crip Theory深信，雖然我們的身體狀況有所區別，但健全主義社會講求效率、競爭、經濟價值，無法達標則被判為弱者，沒人能在這套遊戲規則內獨善其身。
Crip不僅為「殘疾」框架鬆綁，亦將不同身體狀況的人連結起來。不過，對於Crip能否指代肢體損傷之外的經歷，仍存在不同意見。健全人士可如何談論Crip？他們的「Crip Time」是怎樣的？他們的脆弱與痛苦，能與殘疾人士相提並論嗎？我們邀請不同的健全及殘疾人士進行相關對談。
社區藝術及「共融藝術」工作者劉南茜（Nanxi），二〇二三年與不同背景的受障人士共創出版《殘誌》（Crip Zine），這是香港目前為數不多以Crip為主題的出版物。除引介Crip相關研究，他們還不定期舉辦Care Work讀書會。此篇為讀書會成員Nanxi、勁馳、阿寶、希澄和Cat的對談。
你是不是Crip？健全人士也可以是Crip嗎？
勁馳: 我地接受呢個訪問，唔喺要求啲健全人士點樣參與個討論，或教大家點樣傷健共融。
而喺要搞清楚咩嘢喺殘疾或所謂Crip既身份認同。如果每個人有一日都有機會變成殘疾，或者同殘疾發生某種關係，咁我哋係唔係可以將殘疾變成好似女性主義，或酷兒文化一樣成為一種歸屬既價值取向？
至於我地自己是不是Crip？健全人士也可以是Crip嗎？我覺得，呢度講嘅是不是Crip，涉及兩個層面。一個喺指我哋有無生理殘疾(Being)，另一個喺指是不是關心殘疾人權利(becoming)。如果喺前者，健全人自然不是Crip，但如果喺後者，任何人都可以好Crip架。好多殘疾人都可以淨喺關心自己既殘疾，但如果Crip喺指對一種價值既認同，我哋就會發現,殘疾可以涉及無數既社會問題，有啲殘疾人住喺院舍，或者喺無家者，要關心佢地既being，唔可以唔講返Human Right啦。
阿寶：Crip如果好似女性主義或者酷兒文化咁，成為一種歸屬嘅價值取向，係咪要成為政治上一種有認受性嘅身份地位先？Crip嘅核心就係要包容唔同嘅價值，定係搵到共同的價值？
勁馳： 所以喺外國講Crip，喺指一種Reclaim Politics.佢哋既情況，如果喺爭取殘障人權，好多時喺要有法律知識同有錢打官司，通常喺啲中產白人既殘障人士至玩得起，所以Crip Politics，唔喺唔想爭取殘疾人權利，而喺當人權變咗少數人既抗爭，啲Grassroot參與唔到，所以Crip喺要拉大人權個個光譜。
如果喺香港既研究，現時最有代表性喺 黃彩鳳既論文，印象中佢主要Reclaim返傷殘女性呢個概念，而裡面都有題到其他倡議，好似卓新力量陳俊傑，好似就喺提出「受障」呢個新詞。
最近c95d8係逸東既展覽，走返去用易經去翻譯Crip，而我喺Crip Zine篇文，就喺想提返，喺展能藝術呢個名出現之前，90年代啲人喺用弱能藝術去翻譯Disability Art。其實大家去Reclaim返呢啲過去既用語，喺覺得而家好多關於共融既講法，好似唔見咗一啲嘢。所以，大家各自要Claim既嘢喺唔同，亦完全唔需要相同， Crip politics就喺講緊要包容不同的殘疾定義脈絡，好似Queer要包容LGBTQ+不同身份咁。
Cat：根據卓新力量陳俊傑嘅講法「其實一開始冇排除我哋喺香港出面，而家就唔洗講共唔共融喇！」
希澄: 如果行reclaim應該要譯「殘廢」，先有個shock既。
Cat：緊係好喇，如果想將討論推到極致，喺「殘廢人類」當中reclaim 個「人類」都仲得添。留意中英文嘅語境唔同，唔好一味諗人哋係點，香港喺呢類討論中有咩得著？我哋點解會有唔同嘅想法等等。我會想知大家對於自己嘅身份認同稱呼係咩？定係稱呼本身唔重要呢？定係個稱呼同自身認同都唔一定match得晒呢？
Nanxi：記得我地讀書會睇Leah Lakshmi Piepzna-Samarasinha的 《Care Work: Dreaming Disability Justice》本書的開頭，係好強調Disability Justice的背景去講Crip，身份是多重的，因為困境和受到的壓迫也是多重交叉的。佢地面對的是種族白人至上、殖民主義、性別、階級、健全主義、跨不同殘疾的團結。c.95d8策展人林入在「夬兒 Crip」的ig宣傳片中提及「既然人都終將殘疾，不如放下「健全」、「殘疾」這些分別你我的標籤，一起擁抱Crip身份？」，我就覺得，冇辦法放下殘疾喔。
所以Crip一定唔係只是講藝術，但藝術又確實是表達和行動的方式之一。同埋佢地個Disability Justice將行動面向拉到好闊，因為care就是要去到日常生活中的各個層面，如何去廁所、如何通達。
我回想起之前跟大家聊天的過程，感覺在讀書會獲得了很多的聆聽和情感支援。沒有讀書的時候，我哋就聊大家各自感受，尤其那些曾經不開心、被誤解、被傷害的遭遇，也是我們之間的互相照顧（mutual care）。 🙏
阿寶：我也感受到，Crip is care!
咁樣，Crip既care，是能夠同理得到多重不同身份，同時保持批判思考去支援各類型的文化發展吧。
勁馳：所以，不同人對Crip time，就可以都有唔同既體驗。因為喺健全主義既價值裡面, Crip Time是多餘，沒有價值的，但佢好多時又會讓人發現殘疾，同好多科技、動物、生態、種族等社會議題之間有交叉性。
阿寶：Crip time對於我黎講好似電車咁，搭電車嘅時候就係我嘅Crip time。因為我每次唔想配合呢個世界嘅速度同埋功效要求嘅時候，我搭電車都會好開心，好慢，慢到個意思係唔洗急住去完成啲咩，或者交代啲咩。
電車成日都俾啲中環人話要佢消失，因為佢太慢。但係因為電車有個political identity 「懷舊情懷」，所以得到大家嘅支持，保留左落黎。如果我係一架電車，我都一定會有屬於自己生存嘅基本權利，同埋去做唔同事情嘅權利。而Crip同權利嘅關係，我諗係點樣係行政系統入面嘅立法過程之中確立保障「保留Crip的權利」。（「懷舊情懷」變成左保留嘅其中一個原因，亦都係所有電車迷之間共同嘅利益。）
Crip可唔可以自己係一種歸屬嘅價值文化？Crip politics，要點樣包容唔同嘅殘疾定義脈絡呢？
