ADVERTISEMENT
「甘醫生，。」
「兩位靚女，為甚用這樣的眼神望住我陰笑？」
「等陣收工，不如我哋三個……」
「在下雖然有小小靚仔，但畢竟是有婦之夫，恕我不能滿足兩位非分的渴求了。」
「啋！甘醫生新牌兼新車落地，我們只是想放工黐你，坐順風車。」
「甘醫生住將軍澳，你住荃灣，我去香港仔，都唔順路。」
「是但啦，可惜今日無法載你們。醫院後面那個騎呢位，我不以為意，結果上星期連續五天被影了五次快相，扣十五分，停牌三個月，今早上班也是搭巴士的……好囉喎，為甚用幸災樂禍的眼神望住我？醫生也是人，也會犯錯的。」
「醫護當然會犯錯，但我們要懂得從失敗中汲取教訓，衰一次不要緊，以後別重蹈覆轍便行了。可是甘醫生你竟在同一位置、同一情況下，重複衰了五次。」
「是但啦，冇車揸又唔會死人，也不是世界末日。」
「此言差矣，駕駛態度反映工作態度，甘醫生你做嘢出名摎攪，被老細話過很多次，但依然沒有改善。」
「是但啦，做嘢摎攪又唔會死人，也不是世界末日。」
「弊在次次都要同事執手尾。還有，你已不止一次忘記預約病人覆診。」
「是但啦，忘記預約又唔會死人，也不是世界末日。」
「你也不止一次調亂病人的紀錄。」
「是但啦……」
「是但？調亂紀錄派錯藥會死人㗎，甘醫生你頂多停牌，但對病人可是世界末日啊！」
ADVERTISEMENT