「如果我踢波，一定唔打前鋒，會打中場。」很久之前，許智峯這樣說過。他在屯門成長，中學踢波彈結他夾band，挺有女人緣，從來是軍師型才俊。高中留學加拿大，回流到城大修讀法律，加入民主黨，做了數年政策研究。
今日，他在黨內不做中場策劃，轉打衝鋒陷陣的前鋒。
戰場不在議會
兩年前，他在中西區議會提出加入「平反六四」的議程，主席下令逐他出議會，被保安抬走。政府想剷走加多近街臨時花園，改建豪宅，他靜坐公園抗議，留守長達一個月。
都說，他是民主黨激進分子。
許智峯搖了搖頭說：「中西區的區議會，回歸前民主黨過半，回歸後都有近一半。」今日民主黨在地區只是少數，在區議會五年，連建制派也反對拆加多近街臨時花園，政府照樣硬推。世道不同，政府當議員是橡皮圖章。他意識到，是時候改變。
「年輕的政治人搞文宣，貼地，到肉，梁天琦有六萬票，證明大家都想變。社會想議員與羣眾在一起，羣眾關注的，政黨都要做，戰場已經不只在議會。我哋一出道，政府已經咁衰，抗爭係必然，以前我唔認係反政府的一分子，我依家認！」
政治，一日也嫌長，何況是十年。
「十年前的泛民，只有民主黨、民協、街工、前線，公民黨還未創黨。羅健熙（現任民主黨副主席）比我還遲入黨，同期有柴文瀚、林立志、趙家賢，跟住已經數唔到……」
啟發許智峯入政壇，是03年七一，五十萬大遊行，當時政黨嚴重斷層，民怨沸騰。許智峯中學已關心政治，高中到加拿大留學，知道政府計劃為《二十三條》立法，於是參加當地華人組織辦的《二十三條》論壇。心急如焚，索性提早返港。
當時有心從政的年輕人，也對由吳靄儀、湯家驊與梁家傑等人組成的「四十五條關注組」寄予厚望。許智峯在集會時忍不住問吳靄儀：「關注組倡議政策咁廣泛，為何不組一個政黨？」當時吳靄儀豎起手指往後面，「你問下Ronny（湯家驊）準備好未先講啦。」
熱血遇上冷水，許智峯大學畢業後決定加入民主黨。
躺着也中槍
2011年當選區議員至今，許智峯承受最多的攻訐是政改前「民主黨進入中聯辦」、「密室談判」等攻擊。
一聞「中聯辦」，許智峯吁了一口氣說：「要受，我哋都受晒啦。」
2010年當時民主黨主席何俊仁、劉慧卿與張文光入中聯辦，與中聯辦主任李剛談政改，最後接受增設功能組別「超級區議會」的政改方案。當年七一遊行變了反民主黨遊行，「投共」之批評聲不絕於耳。2011年七一，其他政黨升級，貼身追擊民主黨，在區選中發動「票債票償」，許智峯仍然保住中西區議會一席。
雨傘運動過了一年，三名民主黨高層又與中聯辦副主席馮巍秘密會面，連民主黨中常委區諾軒也向傳媒說：「沒有知會黨，行動不智」。
許智峯承認，曾經失望。
「2010年，有班年輕人的黨友唔明白，包括我。大佬一直都話唔接受，但突然那十天，又話接受。我哋作為最前線嘅黨員，係有點難接受，仲諗係咪真？之後嗰啲核心，所謂大佬啦，召開全黨大會，坐低跟我們重新解釋一次。」
傾完，普選的承諾沒有兌現。
不能跪着談判
「是沒有兌現，你話我維護番民主黨都係咁話，唔可以抹殺，當初唔係民主黨行入去（中聯辦），做咗承諾，無2017普選時間表，證明唔到中央無口齒，我哋先有更大的決心同力量，同佢翻枱。」
許智峯強調，傾傾談談是民主黨的大方向，但當中的態度，值得第二梯隊思考。「傾，唔係要卑躬屈膝去朝聖，如果要完全直播，係不現實。任何嘅角力，促成一件事，有時候喺鏡頭前係講唔到最真那一句，但我認為，最少要將會面消息公開。」
政治涇渭分明，許智峯說政治人物要有胸襟，2047不是偽命題，港獨不是連講也不可，走出議會，民建聯也可以當朋友，但他拒絕將「可以傾」與今日的「中間派」劃上等號。「中間派喺抗爭與不抗爭之間找位置，喺「M型政治」（兩極政治）撈油水，佢哋冇喺議題上爭取，如果你話我係『呢種中間派』，我唔係。」
民主黨中委年初決定，派許智峯參選港島區。
上月許智峯主動向傳媒自揭用區議會十二萬津貼，派發給三位員工。約他在加多近街拍攝，街坊豎起大拇指：「呢個係良心僱主啊。」木訥的許智峯皮肉不笑，兩頰凹陷，臉上只有一個「累」字。
