ADVERTISEMENT
離開私家醫院，先回到家梳洗收拾一下行囊。
作為醫院常客的我，深明走進公立醫院，是另一個光景，要帶的日用物品也完全不同。不過，最最最重要還是跟家人一聚，好好吃頓午飯。
「因為真係唔知要住院多久，被隔離幾耐，自己病情又是否受控，會唔會受感染，由無燒變有燒呢……」千百個未知的問號，一直壓在心頭。
甚至在回家路上，腦袋已一直盤算「點樣跟家人說別離」。對於經常「四圍飛」的我，通常都是拋下一句：「我幾多號就返喇！」但這次猶如一個赴戰場的士兵，歸期茫茫，故與家人所說的每句都變得有重量。
吃過一席家常便飯，談談生活日常像市民搶購口罩、糧食的實況，便壓着心中不安，擠點笑容逐一叮囑他們：「要著多啲衫，多留喺屋企，外出要戴口罩，你照顧好媽媽，你要努力學習，你們有事就搵邊個邊個親戚幫手……我會盡快出來㗎喇！但記住無必要，不要來醫院啊！」
原本還想來個擁抱，但為免互相感染，最後只能大家緊握雙手，沉默無聲地去感受家人那份厚重的關愛，然後就離家，乘的士往急症室去。
ADVERTISEMENT
奕晴