曾志偉、樂易玲、莊子璇、王怡然、姜依宁、郭珮文、邢慧敏、王嘉慧、陳若思、何沛珈、麥詩晴、王菲、古佩玲、胡美貽、黃碧蓮、梁麗翹今日（6日）出席《2024 香港小姐競選》「全球招募 最後召集」記者會。郭珮文日前與男友人在WATERBOMB場內，以白色比堅尼上陣騷最強Body，外搭一件透視上衣，身材之澎湃，吸引了不少目光，被問到衣著性感，「大家都咁性感，有啲女仔只著Bra-Top短褲，我已經算保守，著長褲再加外套，我覺得算係合適場合咁著，著太多就會好論盡，而且現場又會有水。」至於會否介意身材成焦點？「我唔會介意，可能暫時只有這個亮點俾大家睇到，希望將來可以有更多嘅亮點吸引到觀眾，例如演技！」
曾志偉表示距離報名截止日期只有四日，但報名人數已比往年多出百分之三十，大讚報名者又靚又後生，「目前報名人數都超過200人，而且好多好後生，仲幾靚女，如果無P圖既話，最特別係好多參賽佳麗嘅提名人都係圈中人，大家都會認識。」
