梁詠琪（Gigi）同另一半Sergio生嘅混血兒囡囡Sofia出名活潑又可愛，有唔少粉絲仲話佢激似《怪獸公司》入面嘅大眼妹阿Boo添，而愛女心切嘅Gigi日前就為聽日（2月28日）生日Sofia提早開P慶生，佢仲邀請埋楊采妮、李心潔等好姊妹添，場面非常熱鬧。
唔知Gigi係咪近排忙住拍電影，少咗時間同囡囡共聚天倫，所以一齊影合照都笑到四萬咁口。從照片可見，Sofia仲著咗一條粉紅花花裙，頭上仲襯埋粉紅色蝴蝶結，成陣少女味出晒嚟，十足十一個小女神的模樣。楊采妮亦帶埋自己另一半同一對孖仔出席，成個畫面家庭幸福滿載，而Gigi仲係張相度留言話：「Sofia面對著4個小弟弟，立刻變大姐姐啦！」
正所謂「三歲定八十」，Sofia遺傳咗媽媽同爸爸優良血統，有深邃五官，而且高人一等，長大之後一定係位大美人。另外，Gigi早前接受媒體訪問時亦表示她估計囡囡18歲會高到185CM，睇嚟Sofia絕對有機會成為獨當一面嘅女模啊！
圖片來源：梁詠琪@Facebook