陳自瑤今日手上冇戴婚戒
王浩信同陳自瑤這兩夫妻，近日不停傳出分居離婚消息，尤其是王浩信愈來愈有人氣，就不停傳出他身邊有好多傾得埋嘅紅顏，令到老婆陳自瑤苦瓜乾咁面，這個星期就多次傳出陳自瑤搬離屋企，要離婚要分居之說！
對於傳媒指她消瘦了很多，她回應是全依靠穿搭技巧好，自己還有一個幸福的小肚腩
【娛樂獨白】人紅自然傳「分」訊？百分百好男人王浩信
今日陳自瑤出席一項宣傳足球活動，自然成為焦點！而她亦有備而來！沒戴婚戒嘅陳自瑤面對記者提問，究竟同老公王浩信嘅感情同婚姻狀況，佢話：「冇提出過離婚，亦冇趕老公（王浩信）搬出去，我哋仲係同小朋友一齊住。老公送樓孝順父母係應該，而佢答應過我（送樓）都一定會做。」
王浩信昨晚在fb貼了陪囡囡畫畫嘅溫馨相，今早又上載了一張藍天白雲相
老公王浩信亦好配合，昨晚先在fb貼了陪囡囡畫畫嘅溫馨照片，今早又上載了一張藍天白雲嘅相，有感而發咁樣講：「無論任何人的關係都是一面鏡，它映照了你的本質，好好感恩你每一天仍然能夠存在，去感受，去活着，去愛，去體驗狂喜，我就感恩今日終於太陽出返來！」
部分圖片來源：王浩信@Facebook