恭喜恭喜！家燕姐今天做奶奶娶新抱呀！
家燕姐終於可以安心坐定定，飲返杯新抱茶！仔仔石耀庭（Jackson）同未婚妻Zoe今日結婚，晚上於洲際酒店筵開五十三席，就快成為人夫的Jackson相當緊張，唔知係咪太興奮，今朝一早就起身，大姑奶珊珊就將細佬昨晚上頭嘅開心片段上左Instagram，分享喜悅。
正當大家以為家燕姐會親手為仔仔上頭，點知原來係由家燕姐的大姊夫負責，幫姨甥旺一旺，當家燕姐聽到大姊夫講：「一梳梳到尾，二梳梳到白髮齊眉，三梳梳到兒孫滿地，四條銀筍標到尾。」家燕姐聽到兒孫滿地梗係開心啦。做奶奶嘅家燕姐這晚就以一身紅衫造型，加上燦爛的笑容，再次搶盡鋒頭，相信今晚大家都好期待家燕姐會著乜嘢靚衫出現！
