木村拓哉的48歲的歌手妻子工藤靜香，噚日喺東京展開巡迴個唱，仲演唱超人氣嘅二女Koki（光希）作曲嘅作品《鋼之森》為個唱造勢。
靜香今次巡迴個唱係一個純鋼琴伴奏嘅演唱會，噚晚佢現場唱出17首歌曲，最受談論當然係由二女Koki作曲嘅《鋼之森》。
現場靜香又玩懷舊演繹咗唔少80年代作品，包括佢於中二時參加拔賽揀選嘅作品、藥師丸博子名曲《水手服與機關槍》，雖然佢話唔會唱小貓俱樂部時期嘅歌，但當播起《不要脫水手服》時，佢又與全場約400歌迷又唱又跳，現場氣氛high爆。
正當媽咪喺東京開騷，Koki噚日又再更新咗Instagram，上載佢同狗狗嘅新相，隨即又再狂吸like。