大台劇集《深宮計》聽晚就播大結局，最近幾集真係高潮一浪接一浪，完全冇停過，日前播出的一集更向《同盟》借鏡大玩計中計假死，峰迴路轉嘅劇情真係令人拍案叫絕，難怪劇集一直維持在高收視！
最近幾集劇情發展到太平公主（陳煒飾演）知道咗何離（蕭正楠飾演）喺肅明皇后嘅遺孤，就想拉攏何離共同廢除李隆基（馬浚偉飾演），以助何離登帝位，但何離未為所動。後來，李隆基以玲瓏公主家姐殷瑈（周秀娜飾演）之死一事，拉攏玲瓏公主同皇嗣何離，欲一齊對付太平公主。同時，太平公主已暗地裡密謀展開謀反大計。當何離假意向太平公主投誠，太平公主竟然下毒手刺死。
蕭正楠呢位護花使者好Man！
蕭正楠被太平公主竟然狠下毒手。
太平公主將殺害龍裔何離之事嫁禍俾李隆基，上朝指證李隆基狠下毒手，以圖謀反李隆基帝位，可惜何離嘅死盡在李隆基掌握中，原來李隆基拉攏咗太平公主嘅家令秦槐作內應，在匕首做手腳，令太平公主誤以為何離真喺死咗。其後，玲瓏公主連同尚宮局上下一齊到殿上，指證太平公主命人造龍袍，而皇后（胡定欣飾演）就喺最後一刻將最重要嘅證據呈上，將太平公主成功剷除。
胡定欣喺最後一刻將證據呈上，置太平公主死地
太平公主謀反篡位失敗，聽晚或選擇自殺身亡，咁劇中另一位最大奸角—皇后，下場又係如何？答案將於聽晚揭曉！
小青姐唔知有冇參考《同盟》假死嘅套路呢？
圖片來源：my TV SUPER
www.mytvsuper.com