陳潔靈摸住鍾定一臉珠
MISS CHAN CHAN 陳潔靈24年後再舉行個人演唱會《由靈開始 陳潔靈 Elisa Chan Private Music Room 2018》，演唱會上大唱《星夜星塵》、《當天那真我》、《只怕不再遇上》、《白金升降機》等超過30首她的首本名曲，更爲觀眾獻上由張國榮原唱的《由零開始》的舊曲新詞版 《由靈開始》，今次MISS CHAN CHAN找了小美幫她重新填詞，小美話知道她為了這個音樂夢一直全力以赴，因為堅持夢想歷來不易，而一位努力了40年的歌手仍然無怨無悔地堅持，付出很多心力，實在令人欣賞。
今次演唱會找來甄詠蓓做導演，所以加入了許多戲劇元素。
陳潔靈唱出《由靈開始》前，說這首歌是獻給追求音樂、創意同藝術的朋友，佢仲話這首歌的經典「Will you remenber me」改成「you are so beautiful」添！
陳潔靈唱出多首悅耳金曲
演唱會中，MISS CHAN CHAN 還唱《哭可以麽》，她說這首歌是林振強填詞，改編自Celine Dion嘅作品，「我同佢都經歷咗丈夫離開，我哋好似，林振強當時特登因為咁寫俾我，我最初係喊到唱唔到，後來係又喊又唱咁完成。」
講到入行，陳潔靈話好多謝恩人鍾定一，因為係佢帶自己入行，這晚，鍾定一都係觀眾，MISS CHAN CHAN行落台好親切咁摸佢臉珠，鍾定一又摸佢臉珠，好感人！
臨完場，MISS CHAN CHAN 感動到流淚，因為佢好感謝製作團隊的全心全力支持，令她可以與觀眾近距離分享她的音樂喎！