鄭嘉穎跟陳凱琳明天八月十二日下午舉行婚禮，今天一班兄弟馬國明、黃嘉樂、唐文龍、曹永簾、唐詩詠、黃智賢及黎耀祥夫婦等人已經飛到峇里參加！
大家出發前都話：「我地今次只係飲飲食食，婚禮詳情乜都唔知，一對新人安排好晒，或者幫吓手擔擔抬抬。」而一對準新人今天在陽光下及室內拍了pre-wedding 照片，準新娘陳凱琳甜到漏望住嘉穎，準人夫亦一臉幸福！照片中，陳凱琳的晚裝非常性感，大露背外，側面還V到落腰，真係索爆！而嘉穎開心到鍚吓太太啦！
一班《鐵馬尋橋》兄弟也替這位大哥找到美麗太太而開心，今晚，一班兄弟當然要為嘉穎最後一個單身日子慶祝吓！高高興興吔一餐！
明天婚禮結束後，一班兄弟由於有工作在身，周一就會回港，一對新人就會玩多幾天，因為十五號係嘉穎四十九歲生日，而陳凱琳結完婚五日，就會復工，十七號會在香港出席YSL活動，屆時，「鄭太」就可以開心share吓，她的新婚生活了！
