薛凱琪（Fiona）近來從事多元發展，歌、影、視方面都有不錯的表現，而內地城市成都就甚為欣賞Fiona勇於嘗新、不斷求變，其態度與成都的發展信念非常一致，所以就特別邀請Fiona擔任「新經濟城市品牌代言人」。
Fiona表示今次代表整個城市做代言，可謂責任重大：「以前做過好多品牌代言，都係實體Product比較多，今次做城市代言人就比教虛無，可能佢地睇中我係演員同歌手之外，仲做過做美指、導演，相對上比較多元化，所以我都要做好自己，如果唔係就失禮成個城市。」
最近，Fiona積極開拓服裝品牌，踏上創業路：「咁做藝人都好鍾意衫，比較留意潮流，可以將自己興趣變成生意，個感覺都幾幸福。其實今次代言其中一個理念，都係鼓勵年青人喺創業方面勇敢作出新嘗試，去追尋自己的夢想，未來有機會都想同當地年青人交流心得，傾下大茶飯！」
而成都亦全力支持Fiona的生意大計，並希望融合文化、創意慈善以及城市新經濟體：「搵唔搵到大錢就後話，我成日覺得藝術係城市發展好重要嘅元素，因為藝術除了可以影響其他人，同時都代表着無限創意同可能性，所以未來我可能喺成都放多少少時間，做好我呢個代言人。」
