許廷鏗出道十年，舉辦首個紅館個人演唱會，明日(24日)公開發售門票。
三十而立的Alfred，決定以紅館演唱會為自己揭開新一章，用音樂與樂迷共度紅館「初夜」，告別少年期。今日舉行記者會造勢，唱片公司特別安排一位紅唇外籍女模，即席踩上台激吻主角，重演演唱會海報的初吻唇妝，令Alfred又驚又喜，他說：「這個構思是林海峰諗嘅，我覺得似初吻或者初夜之後嘅感覺。」Alfred未講完已經被主持謝茜嘉叫停，怕Alfred愈講愈有味出唔到街；最後Alfred的歌迷投選5首心水金曲，包括《青春頌》、《停半分鐘聽一闋歌》等，Alfred話一定會在紅館唱出。
在記者會上，一班前輩汪阿姐、DoDo姐、張柏芝和謝安琪更拍片支持Alfred，搞笑的汪阿姐話好想去睇Alfred 紅館騷，但聽到演唱會叫做「再見智慧齒」，馬上就話要諗諗，原來阿姐都有嘢怕，就係牙醫呀！
圖片來源：許廷鏗@Instagram