好多人都會剪個靚髮過新年，但過年前髮型師做到冇停手，剪靚髮通常要俾多哋錢，哈林庾澄慶自己動手唔駛煩，哈林唔單唱得講得，原來剪頭髮都有一手，過年前身邊的工作人員全部受惠，由他親自操刀幫大家剪靚髮，他的製作人好友黃裕昇就大讚「哈林slaon」冇得彈，幫佢慳番一筆仲有靚靚新髮型過新年。
原來平時哈林自己幫自己剪頭髮，日子有功當然有番咁上下技術，他有一套專業髮型師工具，朋友大讚他有幾個髮型都剪得好正，可以剪出不同層次，據哈林透露平時去髮型屋太花時間，有時未必剪到啱心水，自己郁手方便又快捷，哈林呢手絕技好多朋友試過都大讚；五十八歲的哈林和主播老婆張嘉欣結婚後，生完個女「哈密瓜」又生咗個仔「哈寶」，平時囝囝、囡囡的頭髮都由爸爸一手包辦。
圖片來源：哈林@Facebook