今晚年三十晚！好多信眾都去黃大仙廟上頭炷香，祈求新的一年，諸事順利！
夏蕙姨年年都會去，亦經常喺晚間新聞俾大家見到夏蕙姨排除萬難插頭炷香嘅情況！已經成為例行公事！嗱！夏蕙姨已經出動，今天下午三點幾，就去排隊霸位，帶埋楊峰同艾美琪做「吉祥三寶」添。
今年夏蕙姨嘅造型，當然係豬！夏蕙姨變身夏蕙豬，引來大批市民，仲話佢唔使扮豬都好省鏡！氹得夏蕙豬攞起條豬尾任人影！正！
