陳豪今日出席珠寶晚宴活動，講到之前難得與太太陳茵媺於西班牙旅行，十分開心，但一回到家小朋友都相當掛念，更需要錫錫，他表示每日小朋友返學都會要求goodbye kiss，令他們十分窩心，「每日小朋友都會俾個嘴你，你都要錫，錫完又再要求錫，不過我們都好享受，這就是有小朋友的樂趣。」
他大讚太太教小朋友有一套方法，（我與太太平時教法都好民主，不只是yes or no，加上全家都擁有愛。當然最難是教是如何令他們聽話，又不可以太過愛錫，不可以咩都幫佢地做晒，所以很矛盾，又想佢地學習獨立，但當佢哋少了一份依賴的時候，令我們感覺很奇怪，所以做父母都需要學習。不過太太好叻教，因為我比較傳統教法，而她比較西化，需要小朋友學習自發性，平時即使我又叫又鬧，小朋友都不會去做。所以有時候大家會有意見不一，但不會嘈交，會盡量去傾，需要花時間去告訴對方，所以教小朋友我一定輸俾太太，她是一個好本事的女人。)