蔡卓妍（阿Sa）日前與心愛嘅嫲嫲同爸爸暢遊台中，一家人周圍吃喝玩樂，非常溫馨！噚日參觀完彩虹眷村，阿Sa今日（8日）又同大家坐旅遊巴出發到下一個地方。
連日嚟去咗咁個景點，阿Sa話上到車都想休息下，或靜靜地睇風景。不過，阿Sa就大爆老豆歌神上身，不停唱歌唔俾人瞓。佢分享幾段Sa爸嘅片段，並留言：「話說我同我啲表姐一上到旅遊巴，見到有卡拉OK，已經心知不妙⋯果然⋯我老豆真係好鍾意唱歌㗎！」
阿Sa仲話老豆好似古巨基一樣咁鍾意唱歌，而基仔見到Sa爸唱得咁過癮，都忍唔住留言：「咁鍾意唱歌，幾時約我同Uncle 唱呀咁？」阿Sa回應話：「 唔好掛？！」甚至有網民建議Mani簽Sa爸做旗下藝人，同阿Sa齊齊拍住上。
圖片來源：蔡卓妍@Instagram