佘詩曼（阿佘）今日（28日）踏入44歲，為慶祝生日佢特地於社交網分享相片，並留言：「活到44載，感恩…」見素顏嘅阿佘皮膚白皙、面色紅潤，十分青春！令唔少粉絲大讚保養得宜，「睇上去完全唔似44歲」。
與阿佘情同兄妹嘅歐陽震華（Bobby）亦準時為壽星送上祝福，佢貼出生日賀卡，「祝（佘）生日快樂 。」阿佘亦回應說：「多謝我最愛的大爺。」
有細心網民發現，原來歐陽Bobby從2012年起，已連續8年於社交網為阿佘送祝福，又會出席對方嘅生日派對，Bobby去年更專程從內地趕回港為對方慶生，令阿佘非常感動。
阿佘同Bobby曾合拍攝多部劇集，如《洗冤錄2》、《法證先鋒》等，二人感情相當深厚。大批網民都留言話好懷念佢哋嘅劇集，又希望兩個好戲之人再合作。
圖片來源：佘詩曼、歐陽震華@微博