鍾欣潼（阿嬌）去年與賴弘國（Michael）於洛杉磯拉埋天窗，二人婚後仍愛得甜蜜，Michael更不時出席阿嬌嘅朋友聚會，做「跟得老公」。
趁結婚一周年，阿嬌貼出婚照，並深情寫道：「咁快就一年啦，開心嘅時光過得特別快，希望和你白頭到老。」感激老公嘅愛錫同陪伴。
25日係Michael嘅30歲生日，阿嬌除咗為老公準備「Super Man」生日蛋糕外，更花盡心思，以多個心形氣球裝飾酒店房間，又送上模型車做禮物。
Michael亦感動留言：「開心的一週，謝謝老婆的驚喜，I love you.」見二人齊齊穿上浴袍自拍， 阿嬌開心得舉起勝利手勢，而Michael就露出幸福笑容，睇嚟佢好滿意愛妻嘅驚喜。
圖片來源：鍾欣潼、賴弘國@Instagram