蔡一傑將於加拿大多倫多舉行首次個人音樂會，仲帶埋「愛人」伍詠薇（伍姑娘）到當地表演。傑仔透露今次為咗襯托伍姑娘，特別邀請4位男Dancers演出。伍姑娘亦有備而來，佢準備一套拖尾露肩性感晚裝獻唱以作「回禮」，傑仔都忍唔住讚伍姑娘「好肩」又「好堅」。
呢個「1+5」組合史無前例，伍姑娘表示會演唱首本名曲《失落於巴黎鐵塔下》，「我好耐無上台唱歌，我都幾貴架，不過為咗你（傑仔）在所不辭！」
伍姑娘大讚傑仔嘅綵排好精采，令佢非常享受，「每次我就算綵排完自己部分都唔肯走，留步聽佢唱歌，綵排無咁多音響效果才而聽到真正實力，啲樂手都笑我係佢Fans。」
傑仔透露音樂會除咗唱出自己嘅作品，仲會演繹其他歌手嘅名曲。伍姑娘帶咗好多靚歌衫，而傑仔都早一晚用金箔mask補濕，被伍姑娘笑姿整：「佢戴埋太陽眼鏡敷Mask，夜半超人，哈哈！」
圖片來源：蔡一傑、伍詠薇@Instagram