愛情得意，陳煒的事業同樣再次攀上巔峰，去年憑劇集《宮心計2深宮計》演太平公主在《萬千星輝頒獎典禮》奪「最受歡迎電視女角色」，人氣急升，除了劇接劇，更接拍了兩部電影，今年更一口氣接拍了八個廣告，收入大增，「多工作當然開心，去年工作上的回報可以有這麼大，我好開心，亦覺得是額外的獎勵，雖然我有預期角色會令觀眾喜歡，但沒預期收入多那麼多。多工作當然是好事，除了滿足感外，又可以有金錢回報，是開心。現在行出街，真的很多市民想主動跟我打招呼，以前會覺得行出去是否無人識我呢？我現在感覺到原來不是，只是當時大家見你好熟面口，知你演戲，當你是素人，望一望就算，但現在終於知道一套劇集成功的威力有幾大，會令你有觀眾緣。工作量多了很多，搵真銀的工作亦多了，廣告都有八個，內地和香港也有很多，自然收入便多了，所以我今年交稅都好頭痕。」
今年豬籠入水，但她直言不懂投資，大部分以儲蓄為主，「因為演員收入不穩定，不知何時搵得多，幾時搵得少，需要積穀防飢，自己由細到大都好穩陣，因為唔識，所以走穩健派，起碼不會一次過無晒；搵錢好辛苦，十幾年前都試過投資失手，兩次跟人去買股票，試過七位數字全部輸晒，聽人講乜就走去買，以為對方投資好叻，咪即管信吓囉。當時攞出來比例唔多，如果有百萬都只會攞七十萬去買，會留返少少錢傍身，所以輸了就算，當作買個教訓。所以投機性的產品，自己沒認識就不如唔好掂，睇相佬都話我不適合去做投機。資產分配都是以儲蓄為主，買基金之類，安穩一點的回報投資，不過這些投資有年期限制，會壓住啲錢。所以現在想買樓置業都需要重新好好部署，希望樓價跌少少，合理價就會置業，買個千呎的單位就夠。」