8月生日嘅宣萱最近幾個月一直忙於工作，連自己生日都冇特別去買蛋糕慶祝，而佢舊拍檔古天樂早前同佢一直拍電影海報嗰陣就為佢準備咗個生日蛋糕，為佢補祝生日。
當宣萱在攝影室看到工作人員捧著蛋糕向自己走來時，她不禁興奮高呼：「Oh My God ! 我扮睇唔到！」，一眾《犯罪現場》同事包括古仔、馮志強導演為她唱生日歌後，一同合照留念。
宣萱邊吃蛋糕邊說出生日願望：「希望大家健健康康、開開心心！」對於補祝生日，她表示非常驚喜、意想不到：「因為已經過咗正日，所以估唔到佢地會準備，再加上人愈來愈大 ，好少會去慶祝生日。」 Jessica 吃着蛋糕笑說：「好味呀！好肥呀！」，更滿足地說：「大家可以平靜地，簡簡單單食住蛋糕咁過已經好開心。」
多年沒有接拍電影的Jessica，今次拍攝《犯罪現場》時重遇不少相熟的演員及幕後班底，包括繼電視劇《尋秦記》後相隔17年再度合作的老拍檔古天樂，Jessica笑指戲中古仔演的汪新元很怪，跟他真人差不多，都是少說話。
二人在戲中演包租婆及租客，關係曖昧，Jessica津津樂道地說：「佢哋最正嘅地方就係表面上無嘢，係空氣裏面會feel到好似有嘢會發生，但係end up係冇嘅，好多戲嘅感情線，或者拍拖都係，拍咗就冇咗好開心好特別嘅感覺，永遠最特別係好曖昧嘅時候，但佢又冇其他戲嗰種咁明顯，套戲最特別係呢個地方，劇本寫得好好，拍嘅時候我都覺得好得意，當你以為有嘢嘅時候，呃⋯⋯其實冇嘢發生！」
