【明報專訊】舒淇與馮德倫公告「閃婚」後，一直留在布拉格繼續為電影埋尾，電影煞科後，舒淇前日率先返港玩貓，老公馮德倫趕住昨日回港跟太太「人月兩團圓」。前日落機未有戴婚戒的舒淇，亦即補鑊戴上，恩愛幸福滿瀉。
記者﹕楊安莉
攝影﹕鍾偉茵
馮德倫跟「馮太」舒淇近日終於完成在布拉格的電影拍攝工作，未有如一般新婚夫婦「糖黐豆」影形不離，反而前後腳返港。舒淇前日回港，而馮德倫昨午3點45分獨自步出接機大堂，頭戴cap帽、黑超兼留鬚，只見他得一個背包兩袖清風，但婚戒就牢牢套在他左手無名指上。在場傳媒上前恭喜他，馮德倫即時展現笑容兼揮手說﹕「多謝晒，中秋節快樂。」但就未有應記者要求停步拍照。
回應生B計劃﹕得㗎喇
問到馮德倫是否回港與舒淇慶中秋？如何向舒淇求婚？他說﹕「所有要講的話已經在聲明講完，不再多講。」至於會否補度蜜月？是否傳聞中趕生仔？他拒絕回應，只說﹕「中秋節快樂，多謝大家過節都來機場，辛苦晒。（今晚如何慶祝？））都係中秋咁過。」追問是否有生B計劃？他笑笑口說﹕「得㗎喇！大家中秋節快樂，唔該晒，多謝大家祝福。」他上車後，座駕直駛去舒淇位於淺水灣的寓所，兩口子在中秋節總算團圓，加上家中兩隻貓貓「一家四口」，盡享家庭樂。
舒淇曬自拍照 戴回婚戒
至於前日抵港時的舒淇當時沒有戴上婚戒，不過馮德倫日日開工都戴住婚戒，昨日返港亦見他有婚戒，而舒淇趁老公返港，就急不及待上載自拍照，並寫上﹕「月餅節，增胖快樂！」大家的焦點都落在她左手上的婚戒，女神成為「馮太」的最佳表徵。
■更多娛樂猛料 ﹕ol.mingpao.com