雨僑今年8月與老公羅力威迎來愛情結晶品羅約彌「Harper」，一對新手父母不時在社交網分享B女的生活點滴。自囡囡出世來，二人花盡所有時間照顧她，至今Harper出世三個月，爸爸羅力威昨日發長文道出做新手爸爸的辛酸事。
羅力威上傳與囡囡的合照，並寫道：「每隔幾個鐘醒一醒，次次唔定時同唔知搞幾耐，永遠無收工。嚟到兩個幾月佢已經可以瞓到9-10個鐘，可能知爸爸媽媽辛苦，體諒我哋，又可能天父保守，總之依家夜晚就收得工。當然除咗呢啲，仲有好多嘢，不過依家唔係出書好難盡錄。」
他自覺患有產後抑鬱，原因是太太告知他，「我理解我既情況係，對喊聲好反感，同唔理智既人（bb）溝通唔到既時候，而你無地方發洩，因為你連鬧交都無對手 而咁簡單嘅食奶訓覺道理點解唔明。」
他感激過程中有親人幫助，家中的琴任由他發洩，又感恩貓仔又乖又聽話，「而我天生麗質無黑眼圈身體好，訓少啲食少啲當減肥。」最後他說：「唔好覺得湊B感到沮喪失敗，因為最後見到個B望住你笑，也就是場仗大獲全勝之時，爸爸們加油。」
雨僑亦有貼文為老公打氣，「一段時間我真係好驚佢有産後抑鬱，因為bb嘈到佢要走落樓下呆企踱步，心煩失眠脾氣暴躁，由最溫柔最細心的人，變得照顧唔到人兼照顧唔到自己。其實爸爸對於屋企突然多咗個bb，都係一個幾大嘅轉變，需要時間適應，好在慢慢地bb戒夜奶，夜晚有番連續嘅一覺好重要，有休息就好好多。」
她指爸爸都係需要被關注嘅一群，「偏偏男士又唔係好鍾意同人傾偈，而且每個人都有自己固執嘅位，有時一個方法人哋得你又唔得。但係小朋友總會大，唔會永遠都係同一個狀態，爸爸們加油。我哋做媽媽嘅只可以更溫柔更包容，亦都要你哋包容吓我哋，因為有時真係會唔記得嘢做錯嘢。」
圖片來源：羅力威、雨僑@Instagram