今天（31/03）是黃貫中（Paul）的57歲生日，老婆朱茵竟炮製了一個芥辣味蛋糕，整蠱壽星。Paul試味後哭笑不得，「嘩！辣嘅？係咪整蠱我㗎？不過整蠱唔到我，因為我覺得幾好食喎！」朱茵在旁偷笑，卻逃不過與老公分甘同味的命運。其實朱茵整蠱老公只是慶生前菜，當然少不了準備一個真正的生日蛋糕，還唱生日歌及送吻。
Paul雖然被整蠱，但有另一番「滋味」，他說：「其實老婆俾咩我都要食㗎啦，但食完兩個蛋糕後，我真係覺得有 Wasabi嗰個好味啲，有食緊魚生嘅感覺，芒果就好似吞拿魚嘅口感。」
夫婦倆相愛多年，Paul最難忘老婆炮製的地獄料理，尤其認真下廚時比有心整蠱更恐怖，他憶述：「我記得有次佢用微波爐蒸魚，條魚用保鮮紙包實，叮完出嚟成條魚掹到實一實，仲要唔係好熟咁，總之見到都驚。」朱茵解釋：「我記得嗰時係識咗冇幾耐，呢個係比佢嘅測試嚟，我要睇佢咩反應，哈哈。」
朱茵以往給老公送過不少生日驚喜，有一年她瞞着他相約兄弟好友搞驚喜派對，令Paul印象深刻。另外，Paul坦言最喜歡老土禮物，「我記得有次我哋係海灘交換禮物，懶係浪漫咁，雖然係好老土，但往往最開心就係呢啲老土嘢。」
