林溥來（Patrick Sir）與太太關宛珊（Kimmy）結婚五年，去年底Boxing Day於網上平台宣布太太成功懷孕，原本預產期五月，Patrick Sir今日在IG報喜，表示太太昨日誕下重7磅幾囝囝，並取名林若嘉，英文名Preemo。
Patrick Sir代B仔留言：「Hello, my dear world! 我叫林若嘉，英文名Preemo，好高興可以喺2021年4月13日平安健康咁嚟到呢個世界，同我嘅爹哋媽咪，仲有各位見面！我一出世體重有7磅幾，身長50cm，喊咗幾聲之後，就可以即刻打開雙眼，仲見到爹哋媽咪兩個都眼濕濕咁望住我同叫我個名添。哈哈，我仲聽到幫我出世嘅醫生同各位助產士都話，我個頭好大同埋有好多頭髮，仲話我好大舊添。By the way，大家鍾唔鍾意我嘅洋蔥頭髮型呢？」
Patrick Sir又寫出初為人父的心情，「感恩天主賞賜一份完美嘅禮物俾我同Kimmy，我哋會好好愛護佢教導佢，令佢快樂成長，培育佢成為一位有愛心、有責任感、有能力嘅人，長大後好好咁貢獻社會，為世界帶嚟正面嘅改變。老婆，好多謝你，多謝你咁多個月嚟陀住BB仔嘅付出！陪住你生嘅時候，拖住你隻手，頭貼頭，嗰一刻覺得你好靚好偉大，你樂天正面嘅態度令我個心好溫暖。雖然我哋已經做父母，但係喺我心目中，你永遠都係我可愛嘅女朋友仔，對你嘅愛唔會有一絲減退。Will love you and Preemo forever! 」
圖片來源：林溥來@Instagram