【新冠肺炎】黎姿打疫苗 「為自己和家人健康着想」

新冠疫苗接種計畫已經開展咗3個月，譚詠麟、林青霞、方力申同姜濤等唔少藝人都有係網上宣布自己打咗疫苗，而黎姿（Gi現名馬黎珈而）今日都話自己打咗疫苗喇。

在 Instagram 查看這則貼文

Gigi黎姿（@gigilai_official）分享的貼文

有三個寶貝女嘅Gigi為咗自己同家人健康着想，今日接種第一劑疫苗，仲upload咗打針紀錄文件，而其中一張可見Gigi打針場地相就係中山紀念公園體育館，睇返政府社區疫苗接種中心名單，可以估到Gigi好大機會打咗復必泰。

Gigi大讚接種中心工作人員認真專業，過程順利快捷完成，令佢戰戰兢兢嘅心情變得安心，而家感覺一切良好，會多點補充水分和休息一下。

睇更多黎姿靚相：

+4

香港而家分別有科興同復必泰（BioNTech）疫苗可以揀嚟打，新冠疫苗同所有疫苗一樣，可能會引起腹瀉、發燒、嘔吐，甚至嚴重過敏反應等副作用，但唔係所有人都會出現副作用。而疫苗亦唔係適合所有人接種，所以大家要因應自己身體狀況，自行決定係咪接種疫苗，又或諮詢專業人士意見。

圖片來源：黎姿＠Instagram