梁祖堯（阿祖）同MIRROR拍攝嘅節目《調教你MIRROR》今個禮拜開播，身為主持嘅梁祖堯係Instagram以「一日一鏡仔」為題，分享對MIRROR唔同成員嘅感覺。佢噚日就趁陳卓賢（Ian）生日寫咗對Ian要講嘅嘢，最後仲同Ian道歉？
阿祖係個post到話佢出發去梅窩之前會問身邊唔同嘅人，打聽關於MIRROR唔同成員嘅一切，佢聽咗唔同人對Ian嘅評價之後，佢話：「心裏面有一半係擔心，另外一半更加係有一種想放棄呢一個人了。」但係喺拍攝嘅第一日，Ian就願意同佢真心傾談，令佢對Ian改觀，又話Ian的確係個慢熱嘅人，但佢同時亦係好真實嘅人，仲多謝Ian對佢嘅信任，願意打開自己嘅心，展現久違嘅童真笑容。
點擊睇《調教你MIRROR》片段：
最後阿祖向Ian道歉，因為一開始聽其他人嘅評價已經對Ian有偏見，「多謝你用你嘅行動提醒返我，每個人背後都有難言之隱，如果就憑片面之詞去判一個人死刑，呢一種偏見實在很差很差。」
點擊睇陳卓賢靚相：
圖片來源：ViuTV、梁祖堯、陳卓賢@Instagram
