ViuTV《調教你MIRROR》昨晚播出的一集，梁祖堯為MIRROR安排了一個自我認知課堂，讓各成員重新認識彼此。眾人首先與隊友對望，繼而互相擁抱，12子隨即哭成淚人。當中，Jer（柳應廷）及AK（江𤒹生）二人相擁後，AK向對方說了一聲Sorry，更打開心扉向大家說出心中感受。跟AK剖白後，Jer坦言：「原來有好多寬恕，喺擁抱個時出現咗，大家都放下心中芥蒂。只要望實對方，就會反問自己係咪真係憎恨對方，其實發覺愛對方多於憎他。」
AK表示之前覺得大家的心愈行愈遠，「friend嗰啲自己溝通，唔friend嗰啲唔溝通，但我哋係一隊，下午望住大家對眼，發覺原來大家又唔係咁唔鍾意大家啫！攬住阿Jer同阿Lo同佢哋講聲對唔住，係我第一次同佢哋道歉，係關於咩我唔知，1月1號？上年不穩定情緒？但講咗後個心舒服好多。我又搵番自己，搵番大家，大家一直喺我心中，係我自己行開咗。」
AK自責地說：「我係呢個隊入面嘅副隊長，但我冇好好幫阿Man（楊樂文），冇好好照顧晒每個人，好內疚，喺第一個exercise（認知訓練）時，我衷心同阿Lo、Jer講對唔住，有時我好任性，有時更有啲橫蠻無理，我知大家好錫我，Edan（呂爵安）你以前《造星》時成日坐我架車，嗰時每句都係真心說話，但你有幾耐冇跟我車坐返屋企？幾耐冇傾偈？我好堅決咁想為佢哋改變，為自己改變，亦會好好保護你哋，保護MIRROR。」
而AK跟Anson Lo及阿Jer自年初叱咤頒獎禮後，雙方產生誤會，心結一直未解開。Jer說：「最近聽到一些說話令他好傷心，有人說：「如果你哋唔啱咪當工作伙伴，唔夾咪唔夾囉！」他哽咽道：「經過兩年，我發覺我好愛大家，記得有次衝突是1月1號叱咤。我哋係同年新人出歌，去到年尾派成績表，明白佢攞唔到獎會好失落，而我攞獎，叱咤係我由細睇到大，咁我應該開心，但我唔開心，因為我care我呢個兄弟，當時我哋隊有3位新人，我同Anson Lo攞獎，但落台嗰陣，我同Lo講我哋應該攞呢個獎，係咪應該要開心，我唔想因為呢個獎，唔想再有競爭，令到大家出現矛盾。」AK聽後淚如雨下，即與Jer及Anson Lo深深擁抱，解開心結。
圖片來源：ViuTV
