資深演員黃樹棠，今年4月10號因肺癌離世，終年77歲。今日父親節，棠哥的兒子黃榮璋在社交網發文悼念，他貼出一張與爸爸的背影，並寫道：「父親節快樂。今年係第一年，我約實你喺我個心入面慶祝嘅父親節。其實每一年父親節，我哋都冇乜話點慶祝，我只會話：『父親節喎，得唔得閒食個飯？』佢會答：『好呀！鋸扒呀？』所以年年都冇乜新意，不過又好開心㗎喎。因為我哋兩仔爺都係覺得『簡簡單單又一餐』，簡單⋯⋯而家我先體會到呢個簡單一啲都唔簡單，我想見多啲，我想再飲你煲嘅湯，我想⋯⋯而家已經冇得再俾我想了。」他又希望大家可以珍惜眼前人，「就算唔係父親節母親節情人節，你都可以同佢講『我愛你』，再獻上一個深深嘅擁抱唔好怕醜，因為時間係唔會等你。」
部分圖片來源：黃樹棠@微博、黃榮璋@Facebook
