樂隊Supper Moment（SM）昨晚於九展舉行《Supper Moment一直相信演唱》 尾場演唱會，主音Sunny（陳仕燊）唱《尋回一碗湯》突然感觸爆喊，場面感動。
主音Sunny獻唱《靈感床》時毋懼疫情落台繞場一周，近距離同觀眾high-five接觸。今個月新婚嘅Sunny唱到《尋回一碗湯》忽然感觸爆喊，多謝老婆煲開聲茶支持：「我終於有個家！」
而日本樂隊Survive Said The Prophet受疫情影響，未能親身來港擔任演唱會嘉賓，SM特別安排視像合唱《The Whom》，進行「跨國合作」。encore環節，Sunny表示一連兩晚演出感受良多，又多謝樂迷嘅信任，承諾會繼續將音樂做得更好：「以前冇認真咁多謝樂迷，但真的好多謝大家，我哋冇咩可以俾到你哋，以後會繼續做多啲好音樂、做想做嘅事！」
之後Sunny介紹國語新作《我的形狀》嘅時候現場即刻完全冇反應，Sunny愕然咁講：「哦，大家靜晒！」音樂會尾聲，Supper Moment順應台下要求二度Encore，以《小伙子》為當晚演唱會作結。
圖片來源：Supper Moment、陳鴻達、梁燿鵬、陳仕燊@Instagram
