靚媽許秋怡同老公王書麒婚後育有獨子王綽枬（Cody），今日許秋怡佢喺微博分享Cody喺傳統名校畢業禮影嘅靚相，網民見到都留言大讚Cody高大靚仔。
許秋怡分享咗好幾張Cody畢業靚相，喺相下面好感概咁留言：「6.20演出完馬上趕回香港，為的是等待多年的日子終於到了，兒子grade 12畢業啦﹗大個仔啦Cody，爸媽期待你再戴四方帽，就係大學畢業典禮。」
相入面可以見到Cody生得非常高，比媽媽高成個頭，目測至少有180高。唔講唔知，原來Cody讀書好叻，靠自己考入拔萃男書院就一條龍直讀男拔中學，叻到咁，第時讀大學會唔會讀醫科呢？
圖片來源：許秋怡＠微博
