趙學而相隔3年再開騷 最想聽佢唱邊首歌？

趙學而（Bondy）之前出席活動透露本來打算喺前年11月開騷，但因疫情拖到而家都未搞得成。當大家都諗住可能要再等嘅時候，趙學而就宣布8月開騷，唔少歌迷都大呼：「終於等到啦」。

趙學而

Bondy噚日係社交平台upload音樂會宣傳海報，表示有件原本兩年前就要做嘅事，終於落實。又話呢兩年大家都成長咗，經歷多咗令唔同事嘅睇法同處事方式都有所改變。而無變嘅係，有歌迷喺度，香港呢個地方依然好靚。

+7

《學而我們的音樂會2021》將會分別係8月22及23日係九展Music Zone舉行兩場，票價劃一為680元。趙學而相隔3年再開騷，你哋最想係音樂會聽佢唱邊首歌呢？

《尋開心》

《尋開心》係趙學而嘅代表作，由周初晨作曲、林夕填詞，而好少廣東歌係環繞「性」嘅話題，而呢首歌正正係1997年大膽講情慾嘅作品，描寫對愛情現實無力感。其中「我尋你開心 你尋我開心」係經典歌詞。

《每隔2秒》

《每隔2秒》係一首唱到街知巷聞嘅作品。「每隔兩秒我都想起你，完全忘掉了自己。」又係一句有聲嘅句子，係當年熱門K歌之一。《每隔兩秒》係趙學而嘅首張個人專輯的同名主打歌，佢憑呢首開始令人所熟悉。

《我恨我是女人》

趙學而嘅《我恨我是女人》由女填詞人張美賢填詞，呢首歌令唔少網民話佢係90年代最代表女人嘅心嘅歌。歌詞入面嘅主角可以話係呼之則來揮之則去嘅存在，用現今嘅講法就係「做兵」。歌詞亦可以套用到現今社會，就算男女定位調轉都啱用，仲有網民係MV下面留言將歌詞二創，講笑話「我恨我是男人 無車無樓無女人」。

《最佳位置》

相信大家對趙學而嘅《最佳位置》唔陌生，但其實呢首歌原唱者係陳慧琳。Bondy不時都會推出翻唱作品，所以都有「翻唱王」之稱。Bondy翻唱《最佳位置》之後，唔少網民大讚好過原唱，令唔少人重新發現了呢首歌嘅「好處」，之後仲成為咗Bondy嘅代表作之一。

圖片來源：趙學而＠Facebook