《明星運動會前哨戰：Fight 盡》今晚播出最後一集，最新一集講到羅孝勇、李君妍、吳業坤、容天佑、鄭俊弘、等過磅成功，獲晉身決賽資格；今晚一集重頭戲，將落在因技術及體能超晒班，以致未能晉身決賽的女子組選手何慈茵，如何獲特別安排越級挑戰與職業拳手霍嘉怡對擂！
評述讚積極進取
雖然本身並非職業拳手，但何慈茵上到擂台完全零怯場，不但對對手步步進逼，而且拳拳到位快狠準，就算霍嘉怡來勢洶洶，何慈茵亦應付自如、敏捷閃避重拳攻擊，現場評述員亦大讚何慈茵積極取進，左右手靈活轉變、成功令對手無所適從；比賽過程精彩度不輸職業拳賽，相當有睇頭。
拳手精神：跌倒再企番起身
在男子組中減磅成績最為亮眼的鄭俊弘，則坦言很辛苦，但絕對無悔：「每日我食好少嘢，我又要拍劇，但我話畀自己知，我得嘅，就算輸都好，唔緊要，我自己知道付出咗100%，輸咗我都會無悔。」領隊崔建邦坦誠被眾人的滿腔熱血所感動：「鄭俊弘畀人重拳打到暈咗五分鐘，但佢再上番擂台。見到啲人受傷再返嚟，跌倒再企番起身，呢個正正係一個拳手應有嘅特質，而我哋咁多個學員全部都有，我只可以講為佢哋覺得好驕傲。」
