現年57歲嘅張達明，2011年不幸確診鼻咽癌，經過7年抗癌期，近年終於可以復出，噚日出席講座仲同各位抗癌鬥士分享抗癌經歷。
張達明而家不時都會去行山做運動，但佢坦言自己早年生活習慣係非常差，每晚瞓得兩、三個鐘，飲食習慣唔好，又食煙飲酒，仲自爆：「搬出嚟住有時就咁食個包」。到2011年，因為經常流鼻血，睇醫生先發現自己患上鼻咽癌。
張達明
張達明憶述得知患癌嘅時候思緒混亂，自爆當時除咗上網查鼻咽癌死亡率之外，更試過格價骨灰龕，但後來覺用呢個態度去面對患癌係唔啱。佢鼓勵有癌症嘅朋友唔好放棄，因為自己都係康復後先拎到金像獎最佳男配角兼做埋監製，證明癌症經過治療之後，人生都可以繼續前行。
圖片來源：張達明＠微博
