「聲夢導師」李幸倪（Gin Lee）與泳兒出席無綫慈善節目《明愛暖萬心》，提到一班「聲夢」學員，Gin Lee表示每次均用盡心力教導，「之前Yumi（鍾柔美）跳唱，我本身好少呢方面嘅經驗，所以都需要學習，亦都考起自己。」她稱過程間如同與學員一起成長，更爆何晉樂（Rock）難教，「記得教佢係溫柔10次都唔Work，結果都係要鬧，可能會嚇親佢，但我都係為佢好。（擔心網友誤會你好惡？）唔會，觀眾睇唔到成個過程，我知自己出自真心已經足夠，Rock亦冇避開我，完咗節目後大家都有保持聯絡，佢仲多謝我添！」
