香港開電視早前宣布搵張學友唱東奧主題曲《堅持的意義》，無綫（TVB）亦唔輸蝕，安排《聲夢傳奇》學員合唱東京奧運主題曲《奪金》，而早前被傳三甲不入嘅炎明熹喺MV有大量企中間鏡頭，將坊間所指的冷落傳聞粉碎。
《聲夢傳奇》其中3位女學員人氣高企，包括炎明熹（Gigi）、姚焯菲（Chantel）及鍾柔美（Yumi）伙拍其他《聲夢》學員，以及衛蘭、李幸倪（Gin Lee）、江海迦（AGA）、王灝兒（JW）、泳兒及周柏豪6位導師主唱無綫東京奧運主題曲《奪金》。
《聲夢》學員同導師齊齊拍攝MV，以歌聲為香港運動員打氣，又跳又唱充滿活力。其中被指拍攝MV時一度黑面兼企側邊嘅Gigi，事實上被安排企正中間位置，更有同Gin Lee合唱鏡頭，係《聲夢》學員中出鏡率最高嘅一個。
MV首播之後都獲得唔少好評，有網民留言話歌詞「要衝金，再特訓」好洗腦，又大讚一眾星夢學員好有活力。
圖片來源：my TV SUPER(www.mytvsuper.com)、炎明熹＠Instagram
