無綫歌唱選秀節目《聲夢傳奇》即將踏入準決賽，「奶爸」李克勤換上「星級保母」張敬軒，學員當中最興奮的莫過於何晉樂（Rock）及冼靖峰（Archie）這兩個頭號粉絲，Rock在IG分享跟偶像的合照，仍難掩興奮，並自稱「害羞的小迷仔」，他說：「我成日同朋友講，我人生其中一個大遺憾係每年皇上開演唱會我都喺英國讀緊書，都同皇上擦身而過，千估萬估都估唔到，喺我正式出道前，都有幸見到本尊，（見我同Archie啲反應就知興奮過中六合彩）。皇上燃點咗我對唱歌嘅熱誠，亦打造咗我唱歌技巧上嘅根基，好感恩當年我接觸到皇上嘅歌。」
Rock興奮莫名，期待在偶像面前獻唱，還標註了冼靖峰，對他說：「我哋執到啦，輸咗都抵啦可。」此時此刻，Rock已感覺滿足，名次獎項不再重要，雖然比賽仍未完結，但他已定下目標，「希望有日出道可以有一個自己的作品，可以同軒爺合唱一曲，我就圓夢了！然後再set個更勁嘅目標，幫工人姐姐做一日替工。」
另外，Rock又透露上一集唱的參賽歌《我不會唱歌》的前奏，是軒仔於2011年的作品，由Johnny Yim提議挑選一首曾經令他愛上唱歌的作品，Rock說：「《惜愛》記載着我好多青春，亦令我深深體會到『歌』係如何觸動人心，先有我而家唱歌嘅目標：『要整喊全世界！』」
部分圖片來源：何晉樂@Instagram
