無綫電視劇《七公主》正在熱播，黃翠如於劇中飾演顧靈珊，角色冷酷又強硬，即使演技有進步，卻招來不少負評。
最近，劇集播出最新宣傳片，翠如拿着水槍找監製陳維冠算帳，並質問他：「搵我做個咁嘅角色？又Cool、又Mean、又要我減十幾磅，咁破格，係咪玩嘢呀？監製？！」陳維冠淡定地解釋：「咁角色同性格反差大至過癮架嘛。嗱！個結局我仲執（改動）緊，俾啲再啃啲嘅嘢你好冇吖？」翠如聽到可能有更破格的結局，化怒為喜，好奇問：「點啃法？我唔係丹爺個女？」豈知陳維冠大賣關子：「講俾你聽就唔好玩啦！」
翠如之前缺席劇集宣傳，今次特別度期為宣傳片拍攝，陳維冠感謝她在百忙中抽空配合，「佢近排真係好忙，所以兩次都夾唔到我哋宣傳期，佢都好唔好意思，今次佢一知要拍宣傳片，都好緊張咁度期希望盡量配合到，真係好多謝佢。」
