鍾嘉欣早前特地由加拿大返港出席《萬千星輝頒獎典禮》，現已返回溫哥華與家人團聚。雖然失落視后，但嘉欣亦沒太失望，反而表示十分享受這個頒獎舞台。一年前嘉欣開設了個人YouTube頻道，並分享不少與家人的日常生活，至今頻道開設一年，已突破十萬人追蹤，她在社交網感謝大家的支持。嘉欣日前（8日）上載一段影片到頻道，分享其在頒獎典禮由化妝整頭、行紅地氈、後台花絮等全記錄。
影片開頭，身在TVB廠外的嘉欣說：「我今日返到嚟母校TVB，我估唔到有機會再次參加呢個頒獎禮，心情好興奮，又有少少緊張。因為我知道我唔會有好多機會或者未必再有機會返到嚟呢個電視台，所以我今晚一定要盡情享受。」
今次是嘉欣相隔6年再出席頒獎典禮，她指跟以往的心情大有不同，「其實每次上台前，喺化妝室化妝，係最好放鬆方法。參加好多年頒獎禮都唔同今日，因為以前頒獎禮都好趕，可能拍緊劇，又好多人走嚟走去，唔知點解真係好緊張，就算自己心靈唔混亂，都會受外界影響，好感恩今日有自己一間房，可以去享受化妝就化妝。今日我成日提醒自己，好好做好鍾嘉欣，享受呢個舞台，我期待今拍見到幕後朋友，同埋一啲藝人朋友。」
嘉欣表示未知何時會再返TVB，片中她講到當天其實寫了一張紙仔，是希望想在台上感謝一些人：「我想分享少少嘢，我好想多謝我老公，雖然佢未必聽得明我廣東話，但係因為佢鼓勵我先拍呢部戲。好多謝佢嘅犧牲，照顧兩個小朋友真係唔容易。我老公係我心目中係萬眾無一，我對仔女，媽媽好愛佢哋，令我成長更多，喺我心中最大嘅獎已經贏咗，因為我有兩個寶貝仔女。」
而片段最後，嘉欣與一班粉絲在電視城外慶功，她向大家說：「最重要是學習過程，多過於輸贏，其實係冇輸贏，你內心世界學到啲嘢嘅話，你已經係跨進一步，唔使失望，我哋喺好感恩！我會繼續努力。」
