ViuTV女團COLLAR正式成軍出道兩周多而已，各女團成員成為品牌新寵，工作一浪接一浪，接下不少廣告和商場活動。而現年19歲的《全民造星IV》冠軍Marf（邱彥筒），近日疑在工作上遇到不公平對待，她今日（28日）憤然在Instagram的限時動態中發文：「因乜解究，V.雜誌嘅主編係會可以咁討厭？做嘅所有嘢都挑戰緊我最底嘅底線，睇來今日應該都係人生幾大嘅一堂，我會忍㗎，唔好燥啊。」未幾發文被刪除，但有網民及時截圖，並引起熱烈討論，「出道幾個禮拜就學人搞啲咁嘅嘢？」、「幾時同193拍埋開個敢言組合」、「做人無公關…呢啲叫一朝得志，語無倫次」，也有網民力撐Marf，「支持wor，真性情咪仲好」。
COLLAR經理人戴穎（阿Wing）即代Marf公開道歉，表示COLLAR團隊一直尊重所有媒體的創作，並希望保持友好關係，就此事帶來影響感抱歉。阿Wing並指自己及經理人團隊會認真處理，Marf亦深切反省及改善。
而Marf則在晚上發文道歉：「多謝各單位嘅包容同溝通，解決了問題。同時因為我嘅衝動而帶來影響深感抱歉，明白作為公眾人物嘅影響力。會繼續虛心學習，要大家操心了。」
部分圖片來源：邱彥筒@Instagram
