MIRROR成員盧瀚霆（Anson Lo）昨晚在社交網貼出多張與愛犬Amber的合照，他透露於拍攝時發生有驚無險「小意外」，要趕睇急症，經歷了人生最痛一次，幸好已慢慢康復，而送院途中，讓他靈機一觸，想到一下首歌的主題，令他由好痛變興奮。
Anson Lo寫道：「小事分享～尋日拍攝時發生咗一個有驚無險嘅『小意外』，過程就唔多描述啦，因為講出嚟真係會笑死人～（真係好小事～），但唯一好處嘅係…，搭車前往睇急症醫生嘅車程當中，靈機一閃諗到下一首歌嘅主題，解決咗我最近諗咗好耐嘅難題，當堂由『好痛』變到『好興奮』嘅心情～。即晚都慢慢好返冇乜事，返到屋企見到Amber，就決定同佢影相記低呢一日。」
他指今次的經歷是歷時人生最痛的一次，「但正正就係：“Every cloud has a silver lining.”可能每一樣事情發生都有原因，而且過程當中可能有意想不到嘅驚喜～，感激『漏』夜幫忙嘅醫生同護士。分享完畢，我冇事啊！唔好擔心～你哋平日都要好好保重身體。#突然長氣嘅日記式分享」
神徒也紛紛向教主送上慰問，並希望他好好保重身體，「做咩去左睇急症呀，撈撈我好擔心你」、「教主要小心呀，唔好再整親自己，係咪真係無事㗎？Take care」、「睇急症？！又腰痛？」
