無綫節目《東張西望》主播區永權，1999年與友人徐繼宗、陳鳳組成樂隊「星盒子」入行，2003年加入有線做主播，在行內廿二年，向來是緋聞絕緣體；2009年與圈外女友結婚，婚後育有兩個兒子。
區永權接受好友黃婉曼的網上直播訪問，談及工作上經常與女藝人接觸，為了讓太太放心，一定要與女拍檔保持距離，「閃開啲，檢點啲。我以做主持為主，唔會同拍檔好埋身、互動又少，假設有啲人居心叵測，想從你身上得到啲嘢，咁你都唔會埋我身，得到啲咩？除非我係小鮮肉，非常之紅，咁就有啲得著；但我冇，又有老婆，黐我都冇用。」
做老公嘅咁檢點，難怪結婚十三年來都咁恩愛，兩夫妻在社交平台除了有個人帳戶，更設立了共同帳戶；這天區太在社交平台上載照片及視頻，寫道：「久違了的堂食及二人撐枱腳，都在4月21日發生，因為，今日是老公的生日！Happy birthday！」社交距離放寬來得及時，讓區生可以同區太外出慶祝49歲生日。