由陳詠燊執導及編劇，黃子華、鄧麗欣（Stephy）、張繼聰、王菀之（Ivana）、林明禎、陳湛文主演的電影《飯戲攻心》，入圍第24屆意大利烏甸尼遠東電影節競賽單元，（Far East Film Festival），同時獲提名競逐「The Mulberry Award」最佳劇本大獎，Stephy便代表「家人」遠赴烏甸尼。受疫情影響，Stephy已兩年沒有出遠門，此刻心情緊張又愉快。當抵達烏甸尼後，她即悉心打扮穿梭意大利街頭，亦可以脫去口罩呼吸新鮮空氣。
「家人」知道Stephy遠赴烏甸尼，紛紛送上祝福又拍片打氣，子華更希望她帶回手信，笑說：「恭喜晒，Stephy拍套喜劇竟然可以拍到去烏甸尼，烏甸尼我就唔係好熟悉，我只知道有一種土產好受歡迎，聽聞過很長時間，希望你可以攞返嚟俾我哋，就係獎啦，大、中、細，各形各樣都買啲返嚟。應該買唔到嘅？不過都攞啲返嚟啦！等大家高興一下，辛苦你啦。」
林明禎則表示：「大佬有句口頭禪話：『去遠啲』，今次《飯戲攻心》真係可以去到好遠，去到烏甸尼參展，希望你為香港爭光！加油！親一個！」說畢，即擺出可愛的招牌甫士！
「三佬」陳湛文預先慶祝，不過就繼續指揮「妹仔」Ivana做事，他說：「咁好消息，等我叫Josephine（Ivana的戲中角色）整碟靚叉燒俾你帶上機，等我哋嘅有福叉燒可以揚威海外！」
Ivana角色上身，表現出聽教聽話的「本色」，笑言會整碟靚叉燒和燒鵝給Stephy帶上機，也不忘提醒帶手信回來，並表情肉緊：「你去到之後記得買點意大利粉同Cappuccino手信返嚟。」
阿聰就非常擔心「女朋友」，深情地跟戲中honey說：「你自己一個出遠門一定要小心啲，唔好咁大頭蝦，我會喺香港乖乖的等你返嚟，等你好消息！」
